கமல்
நடிப்பில் நீண்ட காலமாக உருவாகி வரும் படம் ‘இந்தியன் 2’. பிரம்மாண்ட இயக்குனர் ஷங்கர் இயக்கும் இதன் படப்பிடிப்பு கொரோனா, விபத்து உள்ளிட்ட பல காரணங்களால் தேங்கி நின்றது. இதனால் லைகாவுக்கும், ஷங்கருக்கும் இடையில் மோதல் உருவானது. இந்நிலையில் பலக்கட்ட பேச்சு வார்த்தைகளுக்கு பிறகு ‘இந்தியன் 2’ படப்பிடிப்பு அண்மையில் துவங்கப்பட்டு விறுவிறுப்பாக நடந்து வருகிறது.
கமல் ரசிகர்களின் நீண்ட நாள் காத்திருப்பில் இருக்கும் படம் ‘இந்தியன் 2’. கடந்த 2020 ஆம் ஆண்டு பிப்ரவரி மாதம் படப்பிடிப்பு நடந்து கொண்டிருந்த சமயத்தில் அங்கிருந்த கிரேன் விழுந்து 3 தொழிலாளர்கள் உயிரிழந்தனர். இந்த சம்பவம் திரையுலகினர் மத்தியில் கடும் அதிர்ச்சியை ஏற்படுத்தியது. மேலும் கொரோனா, லாக்டவுன் உள்ளிட்ட பல காரணங்களால் ‘இந்தியன் 2’ படப்பிடிப்பு மீண்டும் துவங்கப்படாமலே இருந்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து ஷங்கர் தனது அடுத்தடுத்த பட வேலைகளில் பிசியானார். இதற்கான அறிவிப்புகளும் வெளியானது. ராம்சரண் நடிப்பில் ‘ஆர்சி 15’ படத்தை இயக்க துவங்கினார். இதனிடையில் லைகாவும் ஷங்கர் ‘இந்தியன் 2’ படத்தை முடிக்காமல் வேறு படங்களை இயக்கக்கூடாது என நீதிமன்றம் வரை சென்றது. ஒரு வழியாக இந்தப்படத்தின் அனைத்து பிரச்சனைகளும் பேசி தீர்க்கப்பட்டு கடந்த வருடம் மீண்டும் ‘இந்தியன் 2’ படப்பிடிப்பு துவங்கியது.
இதன் படப்பிடிப்பு சென்னை உள்ளிட்ட பகுதிகளில் விறுவிறுப்பாக நடந்து வருகிறது. ரெட் ஜெயண்ட் மூவிஸ் மற்றும் லைகா நிறுவனம் இணைந்து இந்தப்படத்தை தயாரிக்கின்றனர். இந்தப்படத்திற்கான கமலின் இந்தியன் தாத்தா கெட்டப் புகைப்படம் இணையத்தில் வெளியாகி வைரலானது. தற்போது ஆதித்யா ராம் ஸ்டுடியோவில் இதன் படப்பிடிப்பு விறுவிறுப்பாக நடந்து வருகிறது.
‘லியோ’ படப்பிடிப்பை முடித்த கையோடு மிஷ்கின் செய்ய போகும் காரியம்: அடுத்த சம்பவம்.!
இந்நிலையில் லேட்டஸ்ட் தகவலாக ‘இந்தியன் 2’ படத்தில் கமலுக்கு வில்லனாக ஏழு பேர் நடித்து வருவதாக தகவல்கள் வெளியாகியுள்ளன. அதன்படி சமுத்திரக்கனி, வெண்ணிலா கபடி குழு கிஷோர், பாபி சிம்ஹா, ஜெயபிரகாஷ், சிவாஜி குருவாயூர்ஆகியோர் வில்லனாக நடித்து வருவதாக செய்திகள் வெளியாகி ரசிகர்கள் மத்தியில் எதிர்பார்ப்பை கிளப்பி வருகிறது.
மேலும் ‘இந்தியன் 2’ படத்தில் கமலுடன் காஜல் அகர்வால், சித்தார்த், ப்ரியா பவானி சங்கர், ரகுல் பரீத் சிங், குல்சன் குரோவர், மனோபாலா, அகிலேந்திரா மிஷ்ரா, கல்யாணி உள்ளிட்டோர் நடித்து வருகின்றனர். அனிருத் ரவிச்சந்தர் இசையமைக்கும் ‘இந்தியன் 2’ படத்தை தீபாவளி வெளியீடாக ரிலீஸ் செய்ய படக்குழு திட்டமிட்டுள்ளது குறிப்பிடத்தக்கது.
Leo: விஜய் மிஸ்ஸிங்: ‘லியோ’ படப்பிடிப்பில் இருந்து அசத்தலாய் வெளியான புகைப்படம்.!