சசி இயக்கத்தில் வெளியாகி அனைத்து தரப்பினர் மத்தியிலும் அமோக வரவேற்பை பெற்ற ‘பிச்சைக்காரன் 2’ படத்தை விஜய் ஆண்டணி இயக்கி நடித்து முடித்துள்ளார். இதன் படப்பிடிப்பு நிறைவடைந்து போஸ்ட் புரொடேஷன் பணிகள் தீவிரமாக நடந்து வருகிறது. இந்நிலையில் ‘பிச்சைக்காரன் 2’ படத்தின் ரிலீஸ் குறித்த லேட்டஸ்ட் தகவல் வெளியாகி இணையத்தை கலக்கி வருகிறது.
கடந்த 2016 ஆம் ஆண்டு வெளியாகி பாக்ஸ் ஆபிசில் மிகப்பெரிய வசூல் சாதனை படைத்த படம் ‘பிச்சைக்காரன்’. விஜய் ஆண்டனி நடித்து, தயாரித்து இசையமைத்திருந்த இந்தப்படத்தை சசி இயக்கியிருந்தார். உயிருக்கு போராடும் அம்மாவுக்காக மகன் பிச்சை எடுப்பதை போன்று எமோஷனல் டிராமாவாக வெளியான இந்தப்படம் அனைத்து தரப்பினர் மத்தியிலும் அமோக வரவேற்பினை பெற்றது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் இதன் இரண்டாம் பாகம் தற்போது உருவாகி வருகிறது. இசையமைப்பாளராக பல அதிரடியான ஆல்பம் பாடல்கள் மூலம் கவனம் ஈர்த்த விஜய் ஆண்டனி நடிகராகவும் தடம் பதித்தார். இதனையடுத்து தற்போது இயக்குனர் அவதாரமும் எடுத்துள்ளார். நீண்ட காலமாக பேச்சு வார்த்தையில் இருந்த ‘பிச்சைக்காரன் 2’ படத்தினை தானே இயக்கி தயாரித்து நடிக்கவுள்ளதாகவும் அறிவித்தார் விஜய் ஆண்டனி.
இதன் படப்பிடிப்பு விறுவிறுப்பாக நடந்து வந்த நிலையில் மலேசியாவில் ஆக்ஷன் காட்சி ஒன்றை படமாக்க படக்குழு சென்றது. லங்காவி தீவில் படப்பிடிப்பு நடந்து வந்த போது எதிர்பாராத விபத்து ஒன்று ஏற்பட்டது. இதில் நடிகர் விஜய் ஆண்டனிக்கு முகம் உட்பட சில இடங்களில் கடும் காயம் ஏற்பட்டது. இதனையடுத்து இந்தியா திரும்பி சிகிச்சை பெற்று வந்த விஜய் ஆண்டனி அண்மையில் முழுமையாக குணமடைந்தார்.
‘லியோ’ படப்பிடிப்பை முடித்த கையோடு மிஷ்கின் செய்ய போகும் காரியம்: அடுத்த சம்பவம்.!
இந்நிலையில் ‘பிச்சைக்காரன் 2’ படத்தின் ரிலீஸ் குறித்த அதிகாரப்பூர்வ அறிவிப்பு வெளியாகியுள்ளது. அதன்படி ஏப்ரல் 14 ஆம் தேதி தேதி படம் வெளியாகவுள்ளதாக படக்குழு அறிவித்துள்ளது. இதற்காக விஜய் ஆண்டனி தனது ட்விட்டர் பக்கத்தில் பகிர்ந்துள்ள பதிவில், துபாய் நாட்டில் இருக்கும் ஒரு பெரிய பிச்சைக்காரர் பற்றி பார்ப்பீர்கள் என்று குறிப்பிடப்பட்டுள்ளது. அவரின் இந்த பதிவு சோஷியல் மீடியாவில் வைரலாகி வருகிறது.
Indian 2: ஆண்டவரை மிரட்ட போகும் 7 பேர்: ‘இந்தியன் 2’ படத்திற்காக ஷங்கர் போடும் பலே திட்டம்.!
‘பிச்சைக்காரன் 2’ படத்தின் ஸ்னீக் பீக் வீடியோ வெளியான போது, அதில் மூளை மாற்று அறுவை சிகிச்சை குறித்துப் பேசப்பட்டிருந்தது. இந்த வீடியோ ரசிகர்கள் மத்தியில் நல்ல வரவேற்பை பெற்றது. தமிழ், தெலுங்கு, மலையாள, கன்னடம் உள்ளிட்ட மொழிகளில் ‘பிச்சைக்காரன் 2’ படம் உருவாகி வருகிறது. விஜய் ஆண்டனி தற்போது மழை பிடிக்காத மனிதன், காக்கி, தமிழரசன், கொலை மற்றும் ரத்தம் ஆகிய படங்களில் நடித்து வருவது குறிப்பிடத்தக்கது.