விஜய்யின் ‘லியோ’ படப்பிடிப்பை நிறைவு செய்ததை தொடர்ந்து அடுத்ததாக சிவகார்த்திகேயனின் ‘மாவீரன்’ படத்தில் நடிக்கவுள்ளார் இயக்குனர் மிஷ்கின்.
நடிகரான மிஷ்கின்பிரபல இயக்குனரான மிஷ்கின் தற்போது பிசியான நடிகராக மாறிவிட்டார். விஜய்யின் ‘லியோ’ படத்தில் மிஷ்கின் நடிக்கிறார் என்ற அறிவிப்பு வெளியானதில் இருந்தே ரசிகர்கள் மத்தியில் எக்கச்சக்க எதிர்பார்ப்பு கிளம்பியது. அதனை தொடர்ந்து இதன் படப்பிடிப்பிற்காக காஷ்மீர் பறந்தார் மிஷ்கின். லோகேஷ் கனகராஜ் இயக்கத்தில் உருவாகும் ‘லியோ’ படத்தில் பல பிரபலங்கள் நடிக்கும் நிலையில் இயக்குனர் மிஷ்கினும் முக்கிய கதாபாத்திரத்தில் நடிக்கிறார். மேலும் சிவகார்த்திகேயனின் ‘மாவீரன்’ படத்திலும் நடிக்க கமிட் ஆனார் மிஷ்கின்.
சிவகார்த்திகேயனின் டான்சிவகார்த்திகேயன் நடிப்பில் கடந்த வருடம் டான், பிரின்ஸ் படங்கள் வெளியானது. அறிமுக இயக்குனர் சிபி சக்கரவர்த்தி நடிப்பில் வெளியான ‘டான்’ படத்தில் சமுத்திரக்கனி, பிரியங்கா அருள் மோகன், எஸ்.ஜே. சூர்யா, சூரி உள்ளிட்ட பலர் முக்கிய கதாபாத்திரத்தில் நடித்தனர். காலேஜ் கலாட்டாக்களுடன், அப்பா மகன் பாசத்தை மையமாக வைத்து வெளியான ‘டான்’ படம் ரசிகர்கள் மத்தியில் அமோக வரவேற்பை பெற்றது. கிட்டத்தட்ட 100 கோடி வரை இந்தப்படம் கலெக்ட் செய்தது.
ஏமாற்றிய பிரின்ஸ்இதனையடுத்து தமிழ் தெலுங்கு மொழியில் உருவான ‘பிரின்ஸ்’ படத்தில் நடித்தார் சிவகார்த்திகேயன். அனுதீப் இயக்கத்தில் கடந்த தீபாவளிக்கு மிகப்பெரிய எதிர்பார்ப்புகளுக்கு மத்தியில் இந்தப்படம் வெளியானது. ஆனால் ரசிகர்கள் மத்தியில் எதிர்பார்த்த வரவேற்பை பெறாத ‘பிரின்ஸ்’ படம் வெளியான ஒரே வாரத்தில் பல திரையரங்குகளில் இருந்து தூக்கப்பட்டது. இதனால் ரசிகர்கள் கடும் அதிர்ச்சியடைந்தனர்.
மாவீரன்இந்தப்படத்தை தொடர்ந்து ‘மாவீரன்’ படத்தில் நடிக்க கமிட் ஆனார் சிவகார்த்திகேயன். யோகி பாபு நடிப்பில் வெளியாகி ரசிகர்கள் மத்தியில் பாசிட்டிவ் விமர்சனங்களை குவித்த ‘மண்டேலா’ படத்தின் இயக்குனர் மடோன் அஸ்வின் இந்தப்படத்தை இயக்கி வருகிறார். பிரம்மாண்ட இயக்குனர் ஷங்கரின் மகள் அதிதி ‘மாவீரன்’ படத்தில் சிவகார்த்திகேயன் ஜோடியாக நடித்து வருகிறார்.
லியோ படப்பிடிப்பை முடித்த மிஷ்கின்மேலும் மிஷ்கினும் ‘மாவீரன்’ படத்தில் முக்கிய கதாபாத்திரத்தில் நடித்து வருகிறார். இந்தப்படத்தில் அரசியல்வாதியாக அவர் நடிப்பதாக கூறப்படுகிறது. இந்நிலையில் ‘லியோ’ படப்பிடிப்பை முடித்துவிட்டு மீண்டும் சென்னை திரும்பியுள்ளார் இயக்குனர் மிஷ்கின். இது தொடர்பாக அறிக்கையும் வெளியிட்டு ‘லியோ’ கண்டிப்பாக பிளாக் பஸ்டர் ஹிட்டடிக்கும் என தெரிவித்திருந்தார்.
மிஷ்கினின் பிசாசு 2இந்நிலையில் ‘லியோ’ படப்பிடிப்பை முடித்த கையோடு மிஷ்கின் அடுத்ததாக ‘மாவீரன்’ படப்பிடிப்பில் கலந்து கொள்ளவுள்ளதாக தகவல்கள் வெளியாகியுள்ளன. இதனிடையில் மிஷ்கின் இயக்கி முடித்துள்ள ‘பிசாசு 2’ படம் எப்போது ரிலீசாகும் என ரசிகர்கள் கேட்டு வருகின்றனர். ஆண்ட்ரியா முதன்மை கதாபாத்திரத்தில் நடித்துள்ள இந்தப்படத்தில் விஜய் சேதுபதியும் முக்கிய கேரக்டரில் நடித்துள்ளார். இதன் படப்பிடிப்பு முடிவடைந்து ரிலீசுக்கு தயாராகவுள்ளது குறிப்பிடத்தக்கது.