பிரபல தெலுங்கு நடிகரும், சூப்பர் ஸ்டார் ரஜினிகாந்தின் நெருங்கிய நண்பருமான மோகன் பாபுவின் இளைய மகன் நடிகர் மனோஜ் மஞ்சு. அவருக்கும், ஆந்திர மாநில அரசியல்வாதியான பூமா நாகிரெட்டியின் மகள் பூமா மௌனிகாவுக்கும் திருமணம் நிச்சயிக்கப்பட்டுள்ளது.
இது காதல் திருமணமாகும். திருமண கொண்டாட்டங்கள் பிப்ரவரி 23ம் தேதி ஹைதராபாத்தில் துவங்கியது. ஹைதராபாத்தில் இருக்கும் மனோஜின் அக்கா லக்ஷ்மி மஞ்சுவின் வீட்டில் தான் திருமண கொண்டாட்டம் நடந்து வருகிறது.
மார்ச் 3ம் தேதி திருமணம் நடக்கவிருக்கிறது. மாராச் 1ம் தேதி லக்ஷ்மியின் வீட்டில் சங்கீத் மற்றும் மெஹந்தி நிகழ்ச்சிகள் நடக்கிறது.
தன் வருங்கால மனைவி பற்றி மனோஜ் மஞ்சு கூறியதாவது,
எனக்கு மௌனிகாவை பல ஆண்டுகளாக தெரியும். நாங்கள் நல்ல நண்பர்கள். என் வாழ்க்கையின் இன்ப, துன்பங்களை பார்த்திருக்கிறார். எங்களுக்கு இடையேயான நட்பு காதலாக மாறியது. அவர் எனக்கு மனைவியாக கிடைக்க நான் கொடுத்து வைத்திருக்க வேண்டும் என்றார்.
திருமணம் பற்றி மோகன் பாபுவின் குடும்ப செய்தித் தொடர்பாளர் கூறியதாவது,
திருமணத்தில் இரு வீட்டார் மட்டுமே கலந்து கொள்வார்கள். திருமணத்தை பிரமாண்டமாக நடத்த மனோஜும், மௌனிகாவும் விரும்பவில்லை. புது அத்தியாயத்தை துவங்க அவர்கள் இருவரும் ஆவலாக இருக்கிறார்கள். இரண்டு குடும்பத்தாரும் தான்.
பிப்ரவரி 23ம் தேதியில் இருந்து லக்ஷ்மியின் வீட்டில் திருமண கொண்டாட்டங்கள் நடந்து வருகிறது என்றார்.
இது மனோஜ் மஞ்சுவுக்கு இரண்டாவது திருமணமாகும். முன்னதாக மனோஜுக்கும், பிரணதி ரெட்டிக்கும் கடந்த 2015ம் ஆண்டு திருமணம் நடந்தது. அவர்களுக்கு இடையே பிரச்சனை ஏற்பட்டு 2019ம் ஆண்டு விவாகரத்து பெற்றுவிட்டார்கள்.
இதையடுத்து சிங்கிளாக இருந்து வந்த மனோஜ் தற்போது மௌனிகாவை திருமணம் செய்துகொள்ளவிருக்கிறார். இந்த திருமணம் நிலைத்து நிற்க வேண்டும் என்று ரசிகர்கள் வாழ்த்து தெரிவித்துள்ளனர்.
இது மனோஜுக்கு மட்டும் அல்ல பூமா மௌனிகாவுக்கும் இரண்டாவது திருமணமாகும். முன்னதாக மௌனிகாவுக்கும், பெங்களூரை சேர்ந்த தொழில் அதிபர் ஒருவருக்கும் திருமணம் நடந்தது. அந்த தம்பதிக்கு ஒரு மகன் இருக்கிறார்.
மனோஜும், மௌனிகாவும் தங்கள் காதலை கடந்த ஆண்டு ஆகஸ்ட் மாதம் தான் அறிவித்தார்கள். விநாயகர் சதுர்த்தி விழாவுக்கு ஜோடியாக வந்து தாங்கள் ஒன்றாக இருப்பதை உறுதி செய்தார்கள்.
கடந்த 2017ம் ஆண்டு வெளியான Okkadu Migiladu படத்திற்கு பிறகு மனோஜ் மஞ்சு எந்த படங்களிலும் நடிக்காமல் பிரேக் எடுத்தார். இந்நிலையில் 5 ஆண்டுகள் கழித்து மீண்டும் நடிக்க வந்திருக்கிறார் மனோஜ். வாட் தி ஃபிஷ் எனும் படத்தில் நடித்துள்ளார். மேலும் அஹம் பிரம்மசாமி எனும் படத்தில் நடிக்க ஒப்புக் கொண்டிருக்கிறார். ஆனால் ஸ்க்ரிப்ட்டில் மாற்றம் செய்யப்பட வேண்டியிருப்பதால் படப்பிடிப்பு துவங்குவதில் தாமதமாகியிருக்கிறது.
இதற்கிடையே மனோஜ், மௌனிகாவின் திருமணத்தில் ரஜினிகாந்த் கலந்து கொள்வாரா என கேள்வி எழுந்துள்ளது. நெருங்கிய நண்பன் வீட்டில் நடக்கும் விசேஷம் என்பதால் ரஜினி நிச்சயம் வந்து மணமக்களை ஆசிர்வாதம் செய்வார் என்கிறார்கள் ரசிகர்கள்.
Rajinikanth: இன்று ரஜினி வீட்ல விசேஷமுங்க: என்னனு தெரியும் தானே?
திருமணமாகி 42 ஆண்டுகளாக மனைவி மெச்சும் கணவராக இருக்கும் ரஜினி கண்டிப்பாக வாழ்த்த வேண்டும் என ரசிகர்கள் தெரிவித்துள்ளனர்.