தமிழ் சினிமாவில் வித்தியாசமான படங்களை இயக்கி கவனம் ஈர்த்தவர் பா. ரஞ்சித். இவர் இயக்கத்தில் வெளியாகும் படங்கள் அனைத்தும் ரசிகர்கள் மத்தியில் தனிக்கவனம் பெறும். ரஞ்சித் இயக்கத்தில் கடைசியாக ‘நட்சத்திரம் நகர்கிறது’ படம் வெளியானது. இந்நிலையில் தற்போது விக்ரம் நடிப்பில் ‘தங்கலான்’ என்ற படத்தை இயக்கி வருகிறார்.
பா. ரஞ்சித் இயக்கத்தில் கடைசியாக வெளியான ‘நட்சத்திரம் நகர்கிறது’ படத்தில் துஷ்ரா விஜயன், காளிதாஸ் ஜெயராம், கலையரசன் உள்ளிட்டோர் நடித்திருந்தனர். ஓடிடியில் வெளியாகி வரவேற்பை பெற்ற ஆர்யாவின் ‘சார்பட்டா பரம்பரை’ படத்திற்கு பிறகு ‘நட்சத்திரம் நகர்கிறது’ படத்தை இயக்கினார் பா. ரஞ்சித். திரையரங்குகளில் வெளியான இந்தப்படம் எதிர்பார்த்த வரவேற்பை பெறவில்லை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து விக்ரமின் 61 வது படத்தை இயக்க கமிட் ஆனார் ரஞ்சித். கடந்த வருடம் விக்ரம் நடிப்பில் பொன்னியின் செல்வன், கோப்ரா படங்கள் வெளியானது. இதில் மல்டி ஸ்டார் படமாக வெளியான ‘பொன்னியின் செல்வன்’ படத்தில் ஆதித்ய கரிகாலனாக விக்ரம் நடித்திருந்தார். மணிரத்னம் இயக்கத்தில் பிரம்மாண்டமாக வெளியான இந்தப்படம் பாக்ஸ் ஆபிசில் மிகப்பெரிய வசூல் சாதனை படைத்தது.
இந்நிலையில் தற்போது ‘தங்கலான்’ படத்தில் நடித்து வருகிறார் விக்ரம். ஸ்டுடியோ கிரீன் சார்பாக ஞானவேல் ராஜா தயாரிக்கும் இதன் படப்பிடிப்பு கடந்த வருடம் பூஜையுடன் துவங்கியது. தொடர்ந்து சந்தோஷ் நாராயணனுடன் இணைந்து பணியாற்றி வந்த விக்ரம் முதன்முறையாக ‘தங்கலான்’ மூலம் ஜி.வி. பிரகாஷுடன் இணைந்துள்ளார்.
Vijay: விஜய்யின் தொடர் வெற்றிக்கு காரணம் என்ன..?: அப்பா எஸ்.ஏ.சி அதிரடி.!
மேலும் ‘தங்கலான்’ படம் கேஜிஎப் பின்னணியில் உருவாவதாக ஏற்கனவே தனது பேட்டிகளில் தெரிவித்திருந்தார். இந்நிலையில் லேட்டஸ்ட் தகவலின்படி, தற்போது கோலார் தங்க வயல் பகுதியில் ‘தங்கலான்’ படப்பிடிப்பு நடந்து வருவதாக கூறப்படுகிறது. பிரம்மாண்ட செட்டுகளுடன் முக்கியமான காட்சிகள் படமாக்கப்பட்டு வருவதாகவும் கூறப்படுகிறது. 40 நாட்கள் தொடர்ச்சியாக இதன் படப்பிடிப்பு நடைபெறவுள்ளதாகவும் செய்திகள் வெளியாகியுள்ளது.
‘லியோ’ படப்பிடிப்பை முடித்த கையோடு மிஷ்கின் செய்ய போகும் காரியம்: அடுத்த சம்பவம்.!
‘தங்கலான்’ படத்தில் விக்ரமுடன் பசுபதி, பார்வதி, மாளவிகா மோகனன் உள்ளிட்டோர் இணைந்து நடித்து வருகின்றனர். அண்மையில் பிரபல ஆங்கில நடிகர் டேனியலும் இந்தப்படத்தில் இணைந்தார். இந்தப்படத்திற்காக நீண்ட மீசை வித்தியாசமான ஹேர்ஸ்டைலில் உள்ளார் விக்ரம். ‘தங்கலான்’ படம் 3டி தொழில்நுட்பத்தில் உருவாகி வருவது குறிப்பிடத்தக்கது.