நடிகர் கார்த்தி ‘டாடா’ பட நாயகன் கவினை தொலைப்பேசி வாயிலாக தொடர்பு கொண்டு பாராட்டி தள்ளியுள்ளார்.
தனுஷ்திரைத்துறையை பொறுத்தமட்டில் ஒரு நடிகரின் படத்தை இன்னொரு நடிகர் பாராட்டுவது என்பது அரிதான ஒன்று. ஆனால் தற்போது இந்த நிலை மாறி நல்ல படங்களை அனைவரும் பாராட்ட ஆரம்பித்துள்ளனர். சமீப காலமாக தான் பார்த்து ரசிக்கும் படங்களின் படக்குழுவினரை தொலைப்பேசியில் அழைத்து பாராட்டி வந்தார் ரஜினி. இதே பாணியில் நடிகர் தனுஷும் ‘டாடா’ படக்குழுவுக்கு வாழ்த்து தெரிவித்திருந்தார்.
கவின்இந்நிலையில் தற்போது நடிகர் கார்த்தியும் ‘டாடா’ படக்குழுவினருக்கு தொலைப்பேசி வாயிலாக வாழ்த்து தெரிவித்துள்ளார். சின்னத்திரையில் ஒளிப்பரப்பான பல தொடர்களில் நடித்து பிரபலமானவர் கவின். குறிப்பாக ‘சரவணன் மீனாட்சி’ சீரியலின் வேட்டையன் கதாபாத்திரத்தை அவ்வளவு எளிதில் ரசிகர்கள் மறக்க மாட்டார்கள்.
பிக்பாஸில் கவின்அவ்வாறு சின்னத்திரையில் கிடைத்த வரவேற்பை பயன்படுத்தி கமலின் பிக்பாஸ் நிகழ்ச்சிக்குள் நுழைந்து மேலும் பிரபலம் ஆனார் கவின். பிக்பாஸ் சீசன் 3 நிகழ்ச்சி அவருக்கு மிகப்பெரிய மைல்கல்லாக அமைந்தது. பிக்பாஸ் நிகழ்ச்சிக்கு பின்னர் கவின் நடிப்பில் ஹாரர் திரில்லர் படமாக ‘லிப்ட்’ படம் வெளியாகி வரவேற்பை பெற்ற நிலையில், அண்மையில் வெளியான ‘டாடா’ படம் அனைத்து தரப்பினர்களின் பாராட்டுக்களையும் குவித்தது.
டாடாகடந்த பிப்ரவரி 10 ஆம் தேதி வெளியான ‘டாடா’ படத்தினை அறிமுக இயக்குனர் கணேஷ் பாபு இயக்கியிருந்தார். இந்தப்படத்தில் அபர்ணா தாஸ், பாக்யராஜ், ஐஸ்வர்யா பாஸ்கரன், விடிவி கணேஷ், பிரதீப் ஆண்டனி, ஹரிஸ் உள்ளிட்டோர் நடித்திருந்தனர். பாசிட்டிவ் விமர்சனங்களை குவித்த இந்தப்படத்திற்கு திரையுலகை சார்ந்த பலரும் வாழ்த்து தெரிவித்தனர்.
பாராட்டுக்களை குவித்த டாடாதனுஷ் தொலைப்பேசி வாயிலாக வாழ்த்தியிருந்த நிலையில் லோகேஷ் கனகராஜ், சூரி உள்ளிட்டோர் ட்விட்டரில் ‘டாடா’ படத்தை பாராட்டியிருந்தனர். இந்நிலையில் நடிகர் கார்த்தியும் தொலைப்பேசி வாயிலாக கவினுக்கு வாழ்த்து தெரிவித்துள்ளார். இது தொடர்பாக கவின் தனது ட்விட்டர் பக்கத்தில் பகிர்ந்துள்ள பதிவில், ஐந்து நிமிட அழைப்பு.
டாடா படக்குழுவை வாழ்த்திய கார்த்திநீங்கள் என்னிடம் பேசிய எல்லாவற்றையும் விட ‘இந்தப்படம் எப்போதும் நினைவிருக்கும்’ என நீங்கள் சொன்னதை மறக்கவே மாட்டேன். ‘வாழ்க வளமுடன் வந்தியத்தேவா’ என எமோஷனலாக பதிவிட்டுள்ளார் கவின். மேலும் நடிகர் கார்த்தி தனது ட்விட்டர் பக்கத்திலும் ‘டாடா’ படக்குழுவினருக்கு வாழ்த்து தெரிவித்துள்ளது குறிப்பிடத்தக்கது.