ஹாங் காங் மாடலான அப்பி சோய், உலக அளவில் பிரபரலமானவர். இன்ஸ்டாகிராமில் 1 லட்சத்திற்கும் அதிகமான பாலோயர்களைக் கொண்ட சோய் கடந்த பிப்ரவரி 21ம் தேதி காணமால் போனார். அதைத் தொடர்ந்து அவர் கொடுரமாக கொலை செய்யப்பட்டது அம்பலமானது.
மாடல் அப்பி சோயின் தலை மற்றும் பல விலா எலும்புகள் ஹாங் காங்கின் கடலோர கிராமமான லுங் மேயில் உள்ள ஒரு அடுக்குமாடி குடியிருப்பில் சமையல் பானை மற்றும் குளிர்சாதன பெட்டியில் காணப்பட்டன. அங்கு மின்சார ரம்பம் மற்றும் இறைச்சிகளை அறைக்க பயன்படுத்தும் கிரைண்டர் ஆகியவை கண்டுபிடிக்கப்பட்டன.
மாடலின் வெட்டப்பட்ட கை, கால்கள் ஃபிரிட்ஜில் கண்டுபிடிக்கப்பட்டன. அதேபோல் தலையில் ‘தோலோ சதையோ இல்லை’ மற்றும் அவளது மண்டை ஓடு மட்டுமே இருக்கும் வரை வேகவைக்கப்பட்டது என்று காவல் கண்காணிப்பாளர் ஆலன் சுங்கை மேற்கோள் காட்டி டைம்ஸ் ஆஃப் லண்டன் தெரிவித்துள்ளது. தடயவியல் பரிசோதனையின் போது கண்டுபிடிக்கப்பட்ட மண்டை ஓட்டின் பின்புறத்தில் இருந்த ஒரு துளை, ஒரு அபாயகரமான தாக்குதலுக்கான சான்றாக இருக்கலாம் என்று கருதப்படுகிறது.
அதைத் தொடர்ந்து மாடலின் முன்னாள் கணவர் மற்றும் நெருங்கிய குடும்ப உறுப்பினர்கள் மீது கொலைக்குற்றம் சாட்டப்பட்டதை அடுத்து அவர்கள் கைது செய்யப்பட்டனர். 28 வயதான அவரது முன்னாள் கணவர் அலெக்ஸ் குவாங், அவரது தந்தை குவாங் காவ் மற்றும் சகோதரர் அந்தோனி குவாங் ஆகியோருக்கு ஆயுள் தண்டனை விதிக்கப்பட்டது. மாடலின் முன்னாள் மாமியார் ஜென்னி லி, ஆதாரங்களை அழிப்பதன் மூலம் நீதியின் போக்கை சிதைத்ததாக குற்றம் சாட்டப்பட்டார்.
கவுலூனில் உள்ள ஒரு அடுக்குமாடி குடியிருப்பில் வசிக்கும் அலெக்ஸ், ஒரு படகில் நகரத்திலிருந்து தப்பிச் செல்ல முயன்றபோது கைது செய்யப்பட்டார். அப்போது அவரிடம் மில்லியன் கணக்கான டாலர்கள் மதிப்புள்ள ஏராளமான பணம் மற்றும் கைக்கடிகாரங்கள் கண்டுபிடிக்கப்பட்டன.
“பாதிக்கப்பட்டவர் வாகனத்தில் இருந்தபோது தாக்கப்பட்டதாக நாங்கள் நம்புகிறோம். சிசிடிவி கேமராக்களின் அடிப்படையில் அவர் வந்தபோது அவர் ஏற்கனவே மயக்கத்தில் இருந்தார். சோய் தனது முன்னாள் கணவர் மற்றும் அவரது குடும்பத்தினருடன் பல்லாயிரக்கணக்கான ஹாங்காங் டாலர்கள் மதிப்புள்ள சொத்துக்கள் தொடர்பாக தகராறில் ஈடுபட்டுள்ளார். மேலும் சோய் தனது நிதியைக் கையாண்ட விதத்தில் அவர்கள் மகிழ்ச்சியடையவில்லை. இதனால் இந்த கொலை நடந்திருக்கிறது.
சோய்க்கு மூன்று முதல் 10 வயது வரையிலான நான்கு குழந்தைகள் இருப்பதாக அவரது நண்பர் பெர்னார்ட் செங் கூறினார். அலெக்ஸ் குவாங் மூத்த இருவரின் தந்தை ஆவார், அவர்கள் இப்போது சோயின் தாயால் கவனித்துக் கொள்ளப்படுகிறார்கள்’’ என போலீசார் தெரிவித்துள்ளனர். மேலும் மாடலின் மீத உடல் உறுப்புகளை சாக்கடைகள் மற்றும் குப்பைத் தொட்டிகளில் ஹாங்காங்கில் போலீசார் தேடி வருகின்றனர்.