நேற்றைய தினம் திரையரங்குகளில் வெளியான படங்கள் அனைத்தும் சுமாரான விமர்சனங்களை பெற்று வரும் நிலையில் யாரும் எதிர்பார்க்காத விதமாக பலரின் பாராட்டுக்களை பெற்று வருகிறது சசிகுமாரின் அயோத்தி படம். அடல்ட் காமெடி படமாக நேற்று பகீரா, பல்லு படாம பார்த்துக்க படங்கள் வெளியானது. அத்துடன் மித்ரன் ஜவஹர் இயக்கத்தில் ‘அரியவன்’ என்ற படமும் வெளியாகியுள்ளது.
இதனிடையில் சசிக்குமார் நடிப்பில் ‘அயோத்தி’ படம் வெளியாகியுள்ளது. சமீபகாலமாக வெளியான சசிக்குமாரின் படங்கள் அனைத்தும் மிக மோசமான விமர்சனங்களை பெற்ற நிலையில் ‘அயோத்தி’ படம் பலரின் பாராட்டுக்களை பெற்று ரசிகர்கள் மத்தியில் இன்பதிர்ச்சியை அளித்து வருகிறது. மதமா, மனிதமா என்ற விவாதத்துடன் நேர்த்தியான படமாக வெளியாகியுள்ளது ‘அயோத்தி’.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அயோத்தியில் தீவிரமாக மதத்தை பின்பற்றும் அடிப்படைவாதியாக ‘யஷ்பால் ஷர்மா’ பல்ராம் என்ற கதாபாத்திரத்தில் நடித்துள்ளார். ஆணாதிக்கவாதியான இவர் தனது குடும்பத்துடன் புனித பயணமாக இராமேஸ்வரம் வருகிறார். அந்த சமயத்தில் எதிர்பாராத விதமாக விபத்து ஒன்று ஏற்பட்டு அவரது குடும்பத்தில் உள்ள ஒருவர் இறந்துவிடுகிறார்.
உயிரிழந்தவரை பற்றி கவலைப்படக்கூட நேரமில்லாமல் அவரை சொந்த ஊரான அயோத்திக்கு கொண்டு சென்று தனது மத சடங்குகளின் படி அடக்கம் செய்ய துடிக்கிறார் பல்ராம். இந்த பயணத்தில் அவருக்கு உதவியது யார்? இந்த பயணம் பல்ராம் வாழ்வில் மாற்றத்தை ஏற்படுத்தியதா? இறுதியில் ஜெயித்தது மதமா? மனிதமா என்ற கேள்விகளுக்கான பதிலே ‘அயோத்தி’.
வீட்டை வித்தாவது ‘பத்து தல’ படத்துக்கு ஹெலிகாப்டர்ல வருவேன்: என்னென்ன சொல்றாரு பாருங்க.!
ஒரே நாளில் நடக்கும் திரைக்கதையை எமோஷனல் காட்சிகள் மூலம் பார்வையாளர்களுக்கு சலிப்பை ஏற்படுத்தாத படி படமாக்கியுள்ளார் இயக்குனர் மந்திரமூர்த்தி. இருவேறு விதமான மொழி மற்றும் மண் சார்ந்த மக்களாக இருந்தாலும் அவர்களுக்கிடையேயான மனிதத்தை புரிந்து கொள்ள உணர்வுகள் போதுமானது என்ற கருத்தை ஆழமாக பதிவு செய்துள்ளார் இயக்குனர்.
கதாநாயகன் சசிக்குமார் வழக்கமான தனது இயல்பான நடிப்பால் தனக்கு வழங்கப்பட்ட கதாபாத்திரத்திற்கு நியாயம் சேர்த்துள்ளார். அறிமுக நடிகையான ப்ரீத்தி அஸ்ராணி அப்பாவின் ஆணாதிக்கத்தை எதிர்த்து கேள்வி கேட்க முடியாத மகளாகவும், தாய்க்காக கண்ணீர் சிந்துபவரகாவும் நடிப்பில் முத்திரை பதித்துள்ளார்.
Pathu Thala Teaser: ஒவ்வொரு சீனும் தெறிக்குது.. பயரு பயரு: வெறித்தனமான ‘பத்து தல’ டீசர்.!
மொத்தத்தில், மனிதம் என்றால் என்னவென்று கேட்கும் இந்த டெக்னாலஜி உலகில், ஒருசில குறைகளுடன் முடிந்தளவு மனிதநேயத்தை வலியுறுத்தும் படமாக வெளியாகியுள்ள இந்த ‘அயோத்தி’ நிச்சயம் பாராட்டுதலுக்குரியது.