லோகேஷ் கனகராஜ் இயக்கத்தில் விஜய், த்ரிஷா, ப்ரியா ஆனந்த், அர்ஜுன், சஞ்சய் தத், மிஷ்கின், கவுதம் மேனன் என ஒரு நட்சத்திர பட்டாளமே நடித்து வரும் படம் லியோ. முதல் கட்ட படப்பிடிப்பு சென்னையில் நடந்தது.
இதையடுத்து காஷ்மீர் கிளம்பிச் சென்ற படக்குழு கடும் குளிரையும் பொருட்படுத்தாமல் வேலை செய்து வருகிறது. காஷ்மீரில் வில்லன் மிஷ்கின், விஜய் இடையேயான சண்டை காட்சியை படமாக்கியிருக்கிறார் லோகேஷ்.
விஜய் மிஷ்கினை ஆக்ரோஷமாக தாக்க வேண்டும். ஆனால் விஜய்யோ மிஷ்கினுக்கு எதுவும் ஆகிவிடக் கூடாது என்று பெயருக்கு அடித்திருக்கிறார். அதை பார்த்த மிஷ்கினோ, சும்மா அடிங்க விஜய். எனக்கும் தற்காப்பு கலை பற்றி தெரியும் என்று கூறியிருக்கிறார்.
அதன் பிறகே விஜய் மிஷ்கினை அடித்திருக்கிறார். இருந்தாலும் கவனமாகவே அடித்துள்ளார். அடித்த பிறகு மிஷ்கினிடம் வந்து உங்களுக்கு ஒன்றும் ஆகவில்லையே என அக்கறையுடன் கேட்டதுடன் அவரை கட்டியும் பிடித்திருக்கிறார்.
விஜய் தன்னை அடித்துவிட்டு கட்டிப்பிடித்த விஷயம் குறித்து நிகழ்ச்சி ஒன்றில் தெரிவித்துள்ளார் மிஷ்கின். அவர் தொடர்பான காட்சிகளை படமாக்கிவிட்டதால் அண்மையில் தான் சென்னை திரும்பினார்.
சென்னை திரும்பிய பிறகு லியோ குறித்து சமூக வலைதளத்தில் அறிக்கை வெளியிட்டார் மிஷ்கின். அந்த அறிக்கையில் அவர் கூறியிருந்ததாவது,
இன்று காஷ்மீரில் இருந்து சென்னை திரும்புகிறேன். மைனஸ் 12 டிகிரியில் 500 பேர் கொண்ட லியோ படக்குழு கடுமையாக உழைத்து என்னுடைய பகுதியை நிறைவு செய்தது.
ஸ்டண்ட் மாஸ்டர்கள் அன்பறிவு மிகச்சிறப்பாக ஒரு சண்டைக் காட்சியைப் படமாக்கினார்கள். உதவி இயக்குநர்களின் ஓயாத உழைப்பும் என்மேல் அவர்கள் செலுத்திய அன்பும் என்னை ஆச்சரியப்பட வைத்தது. படத்தின் தயாரிப்பாளர் லலித் அந்த குளிரிலும் ஒரு சக தொழிலாளியாக உழைத்துக் கொண்டிருக்கிறார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
என் லோகேஷ் கனகராஜ், ஒரு தேர்ச்சி பெற்ற இயக்குநராக அன்பாகவும், கண்டிப்பாகவும், ஒத்த சிந்தனையுடனும் ஒரு பெரும் வீரனைப் போல் களத்தில் இயங்கிக் கொண்டிருந்தான். என் கடைசி காட்சி முடிந்தவுடன் என்னை ஆரத்தழுவினான், அவன் நெற்றியில் நான் முத்தமிட்டேன்.
என் அருமை தம்பி விஜய்யுடன் ஒரு நடிகனாக இந்த படத்தில் பணியாற்றியதை நினைத்து சந்தோஷம் அடைகிறேன். அவர் என்னுடன் பண்பாக நடந்து கொண்ட விதத்தையும் அவர் அன்பையும் நான் என்றும் மறவேன். லியோ திரைப்படம் மிகப்பெரிய வெற்றியடையும் என தெரிவித்தார்.
Leo Vijay:லோகேஷ் கனகராஜுக்காக வயசுக்கு மீறின வேலை செய்யும் விஜய்: சூப்பர்ணா
லியோ பற்றி மிஷ்கின் வெளியிட்ட தகவல்கள் ரசிகர்களை கவர்ந்தன. லியோ படத்தில் 50 வயது நபராக நடிக்கிறார் விஜய் என்று கூறப்படுகிறது. அவரின் மனைவியாக த்ரிஷாவும், மகளாக பிக் பாஸ் 6 நிகழ்ச்சி புகழ் ஜனனியும் நடிக்கிறார்களாம்.
அப்படி என்றால் ஜனனியை வில்லன்கள் கொன்றுவிடுவார்கள். அதற்காக அப்பா விஜய் பழிவாங்குவது தான் கதையாக இருக்குமோ என்கிறார்கள் ரசிகர்கள்.
வம்சி பைடிபல்லி இயக்கத்தில் விஜய் நடிப்பில் கடந்த ஜனவரி மாதம் ரிலீஸான வாரிசு படம் ரூ. 300 கோடிக்கு மேல் வசூலித்துள்ளது. ஆனால் லியோவோ ரிலீஸாவதற்கு முன்பே ரூ. 400 கோடி வசூல் செய்திருக்கிறது.
Leo Vijay: ரிலீஸுக்கு முன்பே ரூ. 400 கோடி வசூலித்த லியோ: விஜய் படம் புது சாதனை
லியோ படத்தின் டிஜிட்டல், சாட்டிலைட், இசை, தியேட்டர் உள்ளிட்ட உரிமைகள் ரூ. 400 கோடிக்கு விற்பனை செய்யப்பட்டிருக்கிறதாம்.