பெலகாவி: பெலகாவி, சிக்கோடியின், சஞ்சய்காந்தி நகரில் வசிப்பவர் அஜித் சாவளாமாளி, 30. இவர் எந்த வேலைக்கும் செல்லாமல், வீட்டில் இருந்தார். மனைவி பார்வதி, 25, வேலைக்கு சென்று குடும்பத்தை நடத்தினார்.
பணம் கேட்டு மனைவியை அஜித் நச்சரிப்பார். 2018 நவம்பர் 4ல், வழக்கம் போன்று பணம் கேட்டார். மனைவி தன்னிடம் பணம் இல்லை என்றதால், கோபமடைந்த கணவர், கோடாரியால் அவரை வெட்டி கொலை செய்தார்.
வழக்கு பதிவு செய்த சிக்கோடி போலீசார், அஜித்தை கைது செய்து, சிக்கோடி ஏழாவது கூடுதல் மாவட்ட நீதிமன்றத்தில் குற்றப்பத்திரிகை தாக்கல் செய்தனர். விசாரணையில் இவரது குற்றம் உறுதியானதால், ஆயுள் தண்டனை, 5,000 ரூபாய் அபராதம் விதித்து, நேற்று நீதிமன்றம் தீர்ப்பளித்தது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
