அஜித்
ஆசை நாயகன் அஜித் தமிழில் அமராவதி படத்தின் மூலம் நாயகனாக அறிமுகமானார். ஆனால் அப்படம் அவருக்கு எதிர்பார்த்த வெற்றியை பெற்று தரவில்லை. அதன் பின் ஒரு சில படங்களில் நடித்து வந்த அஜித்திற்கு வசந்தின் இயக்கத்தில் வெளியான ஆசை திரைப்படம் மிகப்பெரிய திருப்புமுனையை ஏற்படுத்தியது. 1995 ஆம் ஆண்டு வெளியான ஆசை திரைப்படம் தான் அஜித்திற்கு முதல் வெற்றிப்படமாகும். இப்படத்தின் மூலம் தமிழ் சினிமாவில் அறியப்படும் நடிகராக உருவெடுத்த அஜித்திற்கு ஏராளமான பெண் ரசிகைகள் கிடைத்தனர். மேலும் அஜித்தின் வெற்றிப்பாதைக்கு அடித்தளம் போட்ட பெருமை ஆசை படத்திற்கு சேரும்
காதல் மன்னன் ஆசை மற்றும் காதல் கோட்டை படங்களுக்கு பிறகு அஜித் நடிப்பில் வெளியான பல படங்கள் தோல்வி படங்களாகவே அமைந்தன. அந்த சமயத்தில் தான் அவருக்கு காதல் மன்னன் திரைப்படம் கிடைத்தது. இயக்குனர் சரணின் முதல் படமான காதல் மன்னன் திரைப்படம் அஜித்தை மீண்டும் வெற்றி பாதைக்கு அழைத்து வந்தது. அப்படத்திற்கு பிறகு அஜித்தின் ரசிகர்கள் பட்டாளம் மேலும் அதிகரித்தது. அதன் பின் இவர்கள் கூட்டணியில் அமர்க்களம், அட்டகாசம், அசல் என பல படங்கள் வெளியாகின. இதில் காதல் மன்னன், அமர்க்களம் ஆகிய படங்கள் அஜித்தின் நட்சத்திர அந்தஸ்தை உயர்த்திய படங்களாக அமைந்தன.
ஷாலினி – அஜித் அமர்க்களம் படத்தின் மூலம் தான் முதன் முதலில் ஷாலினி மற்றும் அஜித் இணைந்தனர். அமர்க்களம் படத்தில் ஷாலினி தான் நடிக்க வேண்டும் என தீர்மானமாக இருந்தார் இயக்குனர் சரண். ஆனால் ஷாலினி அப்போது படிப்பில் கவனம் செலுத்துவதாக கூறி படத்தில் நடிக்க மறுப்பு தெரிவித்து வந்தார். இதனை சரண் அஜித்திடம் சொல்ல அவரே ஷாலினிக்கு போன் செய்து என் படத்தில் நடிக்குமாறு கேட்டுள்ளார். அஜித்தே கேட்டதால் எந்த வித மறுப்பும் இன்றி ஷாலினி அமர்க்களம் படத்தில் நடிக்க ஒப்புக்கொண்டார். திரையில் அஜித் மற்றும் ஷாலினி இணைந்து நடித்த ஒரே படம் அமர்க்களம் தான். அப்படத்தின் போது தான் இருவருக்கும் காதல் மலர்ந்தது என்பது குறிப்பிடத்தக்கது
அஜித்தின் கியூட் ப்ரபோஸ் இந்நிலையில் சமீபத்தில் இயக்குனர் சரண், அஜித் ஷாலினியிடம் எப்படி தன் காதலை வெளிப்படுத்தினார் என்பது பற்றி பேசியுள்ளார். அவர் கூறியதாவது, ஒரு நாள் படப்பிடிப்பின் போது நான், அஜித் மற்றும் ஷாலினி ஒன்றாக அமர்ந்திருந்தோம். அப்போது திடீரென அஜித் என்னிடம், ஷூட்டிங்கை சீக்கிரம் முடிச்சிடுங்க என சொன்னார். நான் ஏன் என்னாச்சி என கேட்க, இல்லை ஷூட்டிங் முடியும் முன்பே நான் ஷாலினியை எங்கே லவ் பண்ணிடுவேனோ என பயமாக இருக்கு என்றார் அஜித். இதைக்கேட்ட ஷாலினி அதிர்ச்சியில் உறைந்துபோனார். அதன் பின் ஷாலினி ஒரு வார்த்தை கூட பேசவில்லை. அஜித் இப்படி சொன்ன பிறகு தான் ஷாலினி மேல் அஜித்திற்கு காதல் இருக்கின்றது என்பது எனக்கு தெரியவந்தது. அதன் பின் இருவரும் ஒருவரை ஒருவர் காதலித்து திருமணம் செய்துகொண்டனர் என்றார் சரண். மேலும் தன் காதலை அஜித் கியூட்டாகவும் அதே சமயத்தில் மிகவும் நாகரீகத்துடனும் வெளிப்படுத்தினார் எனவும் கூறியுள்ளார் சரண்