நாமக்கல் மாவட்டம் ராசிபுரம் அருகே டாஸ்மாக் கடையில் தாங்கள் விரும்பிய மதுபானங்கள் இல்லை என கூறியதால் ஆத்திரமடைந்து, கடையை சூறையாடியதாக வங்கி ஊழியர் உள்ளிட்ட 2 பேர் கைது செய்யப்பட்டனர்.
பிள்ளாநல்லூர் பகுதியில் உள்ள டாஸ்மாக் கடையில் 2 பெண்கள் உள்ளிட்ட 4 பேர் வந்து மதுபானம் கேட்டுள்ளனர்.
அவர்கள் கேட்ட மதுபானம் இல்லையென ஊழியர் கூறியதால் ஆத்திரமடைந்து 4 பேரும் மதுபாட்டில்களை உடைத்து சூறையாடியுள்ளனர். மேலும் ஊழியர் பிரபாகரனை தாக்கியதில் மண்டை உடைந்து ரத்தம் காயம் ஏற்பட்டது. மேலும் கடையில் இருந்த பணத்தை திருடியதாகவும் கூறப்படுகிறது.
புகாரின்பேரில் சிசிடிவி காட்சிகள் அடிப்படையில் 2 பேரை காவல்துறையினர் கைது செய்துள்ளனர்.