தமிழகத்தில் அரசு, தனியார் பொறியியல் கல்லூரிகள், கலை அறிவியல் கல்லூரிகளில் உள்ள எம்பிஏ, எம்சிஏ போன்ற முதுநிலைப் படிப்புகளில் சேர தமிழ்நாடு பொது நுழைவுத் தேர்வு (TANCET) எழுத வேண்டும்.
அதன்படி, 2023ஆம் ஆண்டுக்கான டான்செட் தேர்வுகளை எழுத விண்ணப்பிக்க பிப்ரவரி 22ஆம் தேதி கடைசி நாளாக அறிவிக்கப்பட்டிருந்த நிலையில், விண்ணப்பிப்பதற்கான கால அவகாசம் பிப்ரவரி 28ம் தேதி நீட்டிக்கப்படுவதாக அண்ணா பல்கலைக்கழகம் அறிவித்திருந்தது.
இந்த நிலையில் TANCET நுழைவு தேர்வு எழுத விண்ணப்பித்தவர்களுக்கான ஹால் டிக்கெட் நாளை (மார்ச் 11ஆம் தேதி) வெளியிடப்படும் என அறிவிக்கப்பட்டுள்ளது. அதன்படி, tancet.annauniv.edu/tancet என்ற இணையதளத்தில் ஹால்டிக்கெட் பதிவிறக்கம் செய்து கொள்ளலாம் என அண்ணா பல்கலைக்கழகம் அறிவித்துள்ளது.