தமிழ் சினிமாவில் உச்ச நட்சத்திரமாக திகழ்பவர் விஜய், அஜித். இவர்கள் இருவரின் படங்களும் வெளியாகும் போது அவரது ரசிகர்கள் திரையரங்குகளை திருவிழாக்கோலம் ஆக்கி விடுவார்கள். அப்படி இருக்கையில் இருவரின் படங்களும் ஒரே நாளில் ரிலீஸ் ஆனால் எப்படி இருக்கும்? அவ்வாறு கடந்த பொங்கலன்று விஜய்யின் ‘வாரிசு’ மற்றும் அஜித்தின் ‘துணிவு’ படங்கள் ரிலீசாகி திரையரங்குகள் களைகட்டியது.
போனி கபூர், எச். வினோத், அஜித் கூட்டணி மூன்றாவது முறையாக ‘துணிவு’ படத்தில் இணைந்தது. இந்தப்படத்தில் அஜித்துடன் மஞ்சு வாரியர், வீரா, ஜான் கொக்கன், அமீர், பவானி, தர்ஷன், மகாநதி ஷங்கர் உள்ளிட்டோர் நடித்தனர். வங்கி கொள்ளையை மையமாக வைத்து உருவான இந்தப்படத்தின் தமிழக வெளியீட்டு உரிமையை ரெட் ஜெயண்ட் மூவிஸ் நிறுவனம் தயாரித்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
நீண்ட இடைவேளைக்கு பிறகு அஜித் முழு எனர்ஜியுடன் இந்தப்படத்தில் நடித்திருந்ததாக ரசிகர்கள் கொண்டாடி தீர்த்தனர். மேலும் அவரின் நெகட்டிவ் ரோலும் ரசிகர்கள் மத்தியில் அமோக வரவேற்பினை பெற்றது. இந்தப்படம் உலகளவில் 300 கோடிக்கும் அதிகமாக வசூலித்தாக கூறப்படுகிறது. இந்த்பபடத்துடன் விஜய்யின் ‘வாரிசு’ படமும் வெளியானது.
வம்சி பைடிபள்ளி இயக்கத்தில் தமிழ், தெலுங்கு மொழியில் விஜய் நடிப்பில் உருவான இந்தப்படத்தை தில் ராஜு தயாரித்திருந்தார். இந்தப்படத்தில் விஜய்யுடன் ராஷ்மிகா மந்தனா ஜோடியாக நடித்திருந்தார். இவர்களுடன் சரத்குமார், ஜெயசுதா, ஷியாம், பிரபு, சங்கீதா, பிரகாஷ் ராஜ் உள்ளிட்ட பலர் நடித்திருந்தனர். ஜிப்ரான் இந்தப்படத்திற்கு இசையமைத்திருந்தார்.
Leo:போடு வெடிய.. ‘லியோ’ படப்பிடிப்பில் இணைந்த பிரபலம்: லோகேஷின் மாஸ் பிளான்.!
நீண்ட இடைவேளைக்கு பிறகு குடும்ப செண்டிமென்ட் கொண்ட கதையம்சத்தில் விஜய் நடித்திருந்தார். பேமிலி ஆடியன்ஸ் மத்தியில் அமோக வரவேற்பை பெற்ற இந்தப்படமும் வசூலில் மிகப்பெரிய சாதனை படைத்தது. வாரிசு, துணிவு படங்கள் ஒரே நாளில் வெளியானதை தொடர்ந்து இந்த இரண்டு படங்களில் எந்தப்படம் வசூலில் முந்தியிருக்கும் என்பதே ரசிகர்களின் மிகப்பெரிய கேள்வியாக இருந்தது. இதனை வைத்து பல விவாதங்களும் நடந்தது.
Power Star: பணத்துக்காக சொந்த குடும்பமே கடத்திய அவலம்: பவர் ஸ்டாருக்கு நேர்ந்த கொடுமை.!
இந்நிலையில் அண்மையில் பேட்டி ஒன்றில் வாரிசு, துணிவு படங்களின் வசூல் குறித்து பேசிய
உதயநிதி ஸ்டாலின்
, அது தெரிஞ்சு நம்ம என்ன போறோம். தயாரிப்பாளர்கள் ரெண்டு பேரும் சந்தோஷமா இருக்காங்க. விஜய், அஜித் இரண்டு ரசிகர்களும் படம் பார்த்து சந்தோஷமா இருக்காங்க.அப்பறம் வசூல் தெரிஞ்சு என்ன பண்ண போறோம்.
நம்ம ஏதாவது பணம் போட்டு இருக்கோமா? நமக்கு ஏதாவது லாபம் வர போகுதா? அதுக்கப்புறம் வசூல் தெரிஞ்சு என்ன பண்ண போறாங்க என தெரிவித்துள்ளார். வாரிசு, துணிவு படங்களின் வசூல் குறித்து உதயநிதி ஸ்டாலின் இவ்வாறு தெரிவித்துள்ளது ரசிகர்கள் மத்தியில் ஆச்சரியத்தை ஏற்படுத்தியுள்ளது.