தமிழ்நாடு பாஜக தலைவர் அண்ணாமலைக்கு உடல்நிலை சரியில்லாத நிலையில் பெங்களூரிலிருந்து தமிழ்நாடு திரும்பவில்லை.
தமிழ்நாடு பாஜக தலைவர் அண்ணாமலையை கர்நாடக சட்டப் பேரவைத் தேர்தலுக்கான இணை பொறுப்பாளராக சமீபத்தில் நியமிக்கப்பட்டார். ஏப்ரல் அல்லது மே மாதத்தில் கர்நாடக சட்டமன்றத் தேர்தல் நடைபெற உள்ள நிலையில் அண்ணாமலை தமிழ்நாட்டுக்கும், கர்நாடகாவுக்கும் மாறி மாறி அலைந்து வருகிறார்.
ஈரோடு கிழக்கு இடைத்தேர்தல் முடிந்த பிறகு தேர்தல் தோல்வி குறித்து அண்ணாமலை சொன்ன கருத்து அக்கூட்டணிக்குள் சலசலப்பை உருவாக்கியது. பாஜக முக்கிய நிர்வாகிகள் பலரும் அதிமுகவில் இணைந்து வருகின்றனர். அதுவும் சர்ச்சையை ஏற்படுத்திய நிலையில் அண்ணாமலை கர்நாடக தேர்தல் பணிகளில் பிஸியாகிவிட்டார்.
இந்த சூழலில் அவருக்கு லேசான காய்ச்சல் ஏற்பட்டுள்ளதால் பெங்களூருவில் ஓய்வெடுத்து வருகிறார். இதனால் தமிழ்நாடு திரும்பும் திட்டம் தற்காலிகமாக தள்ளி வைக்கப்பட்டுள்ளது.
பெங்களூருவில் காய்ச்சலுக்கு சிகிச்சை பெற்று அவர் தங்கியிருந்த ஹோட்டலிலேயே ஓய்வெடுத்து வருகிறார்.
இதனால் தென்காசி மாவட்டத்தில் பல்வேறு நிகழ்ச்சிகளில் அண்ணாமலை நேற்று (மார்ச் 12) பங்கேற்பதாக இருந்தது. காய்ச்சல் காரணமாக பங்கேற்காததால் அந்த நிகழ்ச்சிகள் தள்ளி வைக்கப்பட்டுள்ளன.
ஓய்வில் இருக்கும் அண்ணாமலை, ஓரிரு நாளில் சென்னை திரும்புவார் என அக் கட்சி வட்டாரத்தில் கூறுகின்றனர்.