பிரிவு கடந்த 2002 முதல் காதலித்து அந்த தனுஷ் மற்றும் ஐஸ்வர்யா இருவரும் 2004 ஆம் ஆண்டு இருவீட்டாரின் சம்மதத்துடன் திருமணம் செய்துகொண்டனர். அதன் பிறகு 18 ஆண்டுகள் சேர்ந்து வாழ்ந்த இவர்கள் திடீரென பிரிவதாக கடந்தாண்டு அறிவித்தனர். இது ரசிகர்களுக்கு மட்டுமின்றி இரு வீட்டாரை சார்ந்தவர்களுக்கும் அதிர்ச்சியாக இருந்தது. மேலும் இவர்களின் பிரிவு பேசும்பொருளாக மாறா பலரும் இவர்களின் பிரிவிற்கு பல காரணங்களை கூறி வந்தனர். மறுபக்கம் இவர்களது குடும்பத்தை சார்ந்தவர்கள் அனைவரும் இவர்களை மீண்டும் சேர்த்து வைக்கும் முயற்சியில் இறங்கினார்கள். ஆனால் அம்முயற்சிக்கு பலன் கிடைக்கவில்லை
வேறு வேறு பாதை பிரிவிற்கு பிறகு இருவரும் தங்கள் வேலைகளில் பிசியாக இயங்கி வருகின்றார்கள். தனுஷ் திருச்சிற்றம்பலம், நானே வருவேன் ஆகிய படங்களில் நடித்தார். இப்படங்கள் வெளியாகி ரசிகர்களிடம் அமோகமான வரவேற்பை பெற்றது. இதையடுத்து தற்போது கேப்டன் மில்லர் என்ற படத்தில் நடித்து வருகின்றார்தனுஷ். மறுபக்கம் ஐஸ்வர்யா ஒரு ஆல்பம் பாடலை இயக்கினார். அதன் பிறகு தற்போது லைக்கா தயாரிப்பில் உருவாகும் லால் சலாம் படத்தை இயக்கவுள்ளார் ஐஸ்வர்யா. இப்படத்தில் விஷ்ணு விஷால் மற்றும் விக்ராந்த் நாயகர்களாக நடிக்க ரஜினி சிறப்பு தோற்றத்தில் நடிக்கின்றார். இவ்வாறு தனுஷ் மற்றும் ஐஸ்வர்யா இருவரும் தங்கள் வேலைகளில் பிசியாக இருந்து வருகின்றனர்
சந்தேகம் தனுஷ் மற்றும் ஐஸ்வர்யாவிற்கு விவாகரத்து நடக்க பல காரணங்களை பலரும் சொல்ல முக்கிய காரணமாக கூறப்படுவது தனுஷ் மற்ற ஹீரோயின்களுடன் காட்டிய நெருக்கம் தான் என சிலர் கூறுகின்றனர். படத்தில் நெருக்கமான காட்சிகளில் தனுஷ் நடிப்பது ஐஸ்வர்யாவிற்கு பிடிக்கவில்லை என்பதாலும், அதன் காரணமாக பல பிரச்சனைகள் வந்ததாகவும் கூறுகின்றனர். ஆனால் ஐஸ்வர்யா இயக்கத்தில் தனுஷ் மற்றும் ஸ்ருதி ஹாசன் நடிப்பில் வெளியான 3 படத்தில் ஏகப்பட்ட நெருக்கமான காட்சிகள் இருக்கும். அதை இயக்கியதே ஐஸ்வர்யா தானே. அப்படி இருக்கையில் இதன் காரணமாக இவர்களுக்குள் பிரச்சனை வந்திருக்காது, வேறேதும் காரணமாக இருக்கலாம் என்றும் சிலர் பேசி வருகின்றனர்
விவாகரத்து இந்நிலையில் தற்போது ஐஸ்வர்யா சிவில் நீதிமன்றத்தில் முறையான விவாகரத்திற்கு விண்ணப்பித்துள்ளதாக ட்விட்டர் பிரபலமும், சென்சார் போர்டு உறுப்பினருமான உமர் சந்து கூறியுள்ளார். மேலும் அவர் தனுஷ் வேறொரு பெண்ணுக்காக ஐஸ்வர்யாவை ஏமாற்றிய தன் காரணமாகத்தான் இந்த விவாகரத்து நடைபெறுகின்றது என்ற பரபரப்பான செய்தியை வெளியிட்டுள்ளார் உமர் சந்து. ஆனால் இந்த செய்தியில் எந்தளவிற்கு உண்மை உள்ளது என்பது தெரியவில்லை. சில மாதங்களுக்கு முன்பு தனுஷ் மற்றும் ஐஸ்வர்யா இருவரும் இணையப்போவதாக தகவல்கள் வந்தன. ஆனால் தற்போது ஐஸ்வர்யா விவாகரத்திற்கு விண்ணப்பித்துள்ளதாக செய்திகள் வந்துள்ளன. எனவே உண்மை நிலவரம் என்ன என்பது இருவரும் சொன்னால் தான் தெரியவரும் போல