தமிழ்நாடு இளைஞர் நலன் மற்றும் விளையாட்டு மேம்பாட்டுத் துறை அமைச்சர்
தென் மாவட்டங்களில் சுற்றுப்பயணம் மேற்கொண்டுள்ளார். நேற்றைய தினம் அரியலூரில் அரசு மருத்துவக் கல்லூரி மருத்துவமனையில் புதிய சேவைகளை தொடங்கி வைத்தார். குறிப்பாக மறைந்த மாணவி அனிதா பெயரில் அரங்கம் திறக்கப்பட்டது மிகுந்த முக்கியத்துவம் பெற்றது.
நீட் தேர்வு ரத்தின் ரகசியம்
அங்கு நடந்த விழாவில் நீட் தேர்வு ரத்தாகும் வரை
சார்பில் சட்டப் போராட்டம் தொடரும் என அதன் ரகசியம் பற்றி பேசியிருந்தார். இதையடுத்து தஞ்சாவூர் மாவட்டம் வடுவூருக்கு சென்று விளையாட்டு அரங்கம் திறப்பு விழாவில் பங்கேற்றார். அங்கு நடைபெற்ற நிகழ்ச்சியில் அமைச்சர் உதயநிதி ஸ்டாலினுக்கு திமுக எம்.எல்.ஏவும், ஐடி விங் செயலாளருமான டி.ஆர்.பி.ராஜா நினைவு பரிசு வழங்கியது பலரின் கவனத்தை ஈர்த்தது.
மதுரை எய்ம்ஸ்
ஏனெனில் ஒற்றை கையால் AIIMS என்ற வார்த்தை பொறிக்கப்பட்ட செங்கலை பரிசாக கொடுத்து ஆச்சரியப்படுத்தினார். 2021 சட்டமன்ற தேர்தல் பிரச்சாரத்தின் போது இந்த செங்கல் அரசியல் தான் உதயநிதி ஸ்டாலினை தமிழ்நாடு அளவில் முக்கியத்துவம் பெறச் செய்தது. அதாவது, மதுரையில் எய்ம்ஸ் மருத்துவமனை அமைக்க பிரதமர் மோடி அடிக்கல் நாட்டி பல ஆண்டுகள் ஆகியும் இன்னும் கட்டுமானப் பணிகள் தொடங்கப்படவில்லை.
உதயநிதி ஸ்டாலின் பிரச்சாரம்
சுற்றுச்சுவரை தாண்டி வேறு எதுவும் இல்லை. அடிக்கல் நாட்டும் போது வைக்கப்பட்ட ஒற்றை செங்கல் தான் இருக்கிறது. அந்த செங்கல் தான் இது என்று கூறும் வகையில் உதயநிதி ஸ்டாலின் பிரச்சாரம் செய்தார். இது அரசியல் களத்தில் பரபரப்பாக பேசப்பட்டது. எதிர்க்கட்சிகள் தரப்பில் விமர்சனங்களும் முன்வைக்கப்பட்டன.
நிதி ஒதுக்கீட்டில் ஏமாற்றம்
மதுரையில் எய்ம்ஸ் மருத்துவமனை அமைக்க வேண்டும் என்று மார்க்சிஸ்ட் கம்யூனிஸ்ட் எம்.பி சு.வெங்கடேசன் உள்ளிட்ட பலர் நாடாளுமன்றத்தில் தொடர்ந்து குரல் எழுப்பி வருவதை பார்க்கலாம். சமீபத்தில் தகவல் அறியும் உரிமை சட்டத்தின் மூலம் பெறப்பட்ட தகவலின் படி, மதுரை எய்ம்ஸ் மருத்துவமனைக்கு மதிப்பீடு செய்யப்பட்ட 1,977.8 கோடி ரூபாயில் வெறும் 12.35 கோடி ரூபாய் மட்டுமே மத்திய அரசு சார்பில் விடுவிக்கப்பட்டிருப்பது தெரியவந்தது.
டி.ஆர்.பி.ராஜா நினைவுப் பரிசு
வரும் அக்டோபர் 2026க்குள் மருத்துவமனையை முழுமையாக கட்டி முடிக்க திட்டமிடப்பட்டுள்ளது. எஞ்சிய தொகை எப்போது விடுவிக்கப்படும்? பணிகள் தொடங்கி வேகமெடுக்குமா? போன்றவை மில்லியன் டாலர் கேள்வியாக மாறியுள்ளன. இந்த சூழலில் மதுரை எய்ம்ஸ் இன்னும் அதே காலியிடமாக தான் இருக்கிறது.
உதயநிதி ஸ்டாலின் 2021ல் காட்டிய அதே ஒற்றை செங்கலின் நிலையே காணப்படுகிறது. திமுகவின் ’இளந்தலைவர்’ உதயநிதி ஸ்டாலினின் அரசியல் வேற லெவல் என்பதை நினைவுபடுத்தும் வகையில் நினைவுப்பரிசு ஒன்றை வழங்கி டி.ஆர்.பி.ராஜா கவனம் பெற்றிருக்கிறார்.