பவானி: சித்தோடு அருகே மர்ம விலங்கு கடித்து குதறியதில் 8 ஆடுகள் பலியானது. சித்தோட்டை அடுத்த பேரோடு, கரட்டுப்பாளையத்தைச் சேர்ந்தவர் விவசாயி சக்திவேல். இவர் ஆடு, மாடு மற்றும் கோழிகள் வளர்த்து வருகிறார். இந்த நிலையில் கடந்த 11-ம் தேதி இரவு விவசாயத் தோட்டத்தில் புகுந்த மர்ம விலங்கு 8 செம்மறி ஆடுகளை கடித்து குதறியது. இதில் 8 ஆடுகளும் பலியானது.
தகவல் அறிந்ததும் சித்தோடு போலீசார் மற்றும் வருவாய்த் துறையினர் சம்பவ இடத்துக்கு வந்து சோதனை நடத்தினர். பேரோடு கிராம நிர்வாக அலுவலர் மரகதம் மற்றும் கால்நடை துறையினர் நேரில் பார்வையிட்டு விசாரணை நடத்தினர். மேலும், வனத்துறையினர் சம்பவ இடத்தில் விலங்குகள் நடமாட்டம் தொடர்பாக காலடித் தடங்களை ஆய்வு செய்தனர்.