இடாநகர்: அருணாச்சலப் பிரதேசம் மாநிலம் மண்டாலா பகுதியில் இந்திய ராணுவ ஹெலிகாப்டர் விழுந்து விபத்துக்குள்ளானது. அருணாச்சல பிரதேசத்தில் உள்ள மண்டாலாவுக்கு மேற்கு பகுதியில் பயிற்சியில் ஈடுபட்டிருந்தது. இந்த ஹெலிகாப்டர் இன்று காலை 9.15 மணி அளவில் விமானப் போக்குவரத்துக் கட்டுப்பாட்டு மையத்துடன் தொடர்பை இழந்தது. அருணாச்சல பிரதேசத்தின் மண்டாலா மலைப் பகுதியில் விபத்துக்குள்ளான ஹெலிகாப்டரில் இருந்த விமானிகளைத் தேடும் பணி தீவிரமாக நடைபெற்று வருகிறது.
ஹெலிகாப்டரில் விமானி மற்றும் துணை விமான ஆகிய இருவர் விமானத்தில் பயணித்ததாகவும், விபத்துக்குள்ளான விமானம் ராணுவத்தின் சீட்டா ரக விமானம் என்றும் முதல்கட்ட தகவல் வெளியாகியுள்ளது. இருப்பினும் விமானத்தில் பயணித்தவர்கள் என்ன ஆனார்கள் என்பது பற்றிய தகவல்கள் வெளியாகவில்லை. ஹெலிகாப்டரில் இருந்த பைலட்டுகளை தேடும் பணியில் மீட்பு குழுவினர் தீவிரமாக ஈடுபட்டுள்ளனர்.