அருணாச்சல பிரதேசத்தில் விபத்துக்குள்ளாகியுள்ள பழமையான சீட்டா வகை ராணுவ ஹெலிகாப்டரை தேடும் பணி தீவிரமாக நடைபெற்று வருகிறது.
அருணாச்சல பிரதேச மாநிலம் மண்டலா அருகே இந்திய ராணுவத்தின் சீட்டா வகை ஹெலிகாப்டர் இன்று காலை விபத்துக்குள்ளானது. ஹெலிகாப்டர் போம்டிலா என்ற பகுதி அருகே சென்றுகொண்டிருந்தபோது தொடர்பை இழந்தது.
இன்று காலை 9.15 மணியளவில் விமானப் போக்குவரத்துக் கட்டுப்பாட்டு அறையுடன் ஹெலிகாப்டர் தொடர்பை இழந்தது. இதனையடுத்து தேடுதல் குழுக்கள் மூலம் ஹெலிகாப்டரை தேடும் பணி தீவிரமாக நடைபெற்று வருகிறது.
முதற்கட்ட தகவலின் படி, கடும் பனிமூட்டம் காரணமாக ஹெலிகாப்டர் விபத்துக்குள்ளானதாக கூறப்படுகிறது. இதில் 2 பைலட்டுகள் பயணம் செய்துள்ளனர் எனவும் தகவல் கிடைத்துள்ளது.
newstm.in