விஜய்யின் கால்ஷீட் கிடைக்காத என பல தயாரிப்பாளர்கள் தவம் இருக்கின்றனர். சமீபகாலமாக அவரை வைத்து படமெடுக்கும் தயாரிப்பாளர்கள் பலமடங்கு லாபத்தை பார்த்து வருகின்றனர்.கடந்த பத்து வருடங்களில் விஜய்யின் படங்கள் பல வசூல் சாதனைகளை செய்து வருகின்றன.படத்திற்கு படம் வசூல் அதிகரித்து வருவதால் அவரின் சம்பளமும் கணிசமாக உயர்ந்துள்ளது.
மேலும் விஜய் தற்போது நடித்து வரும் லியோ படத்தின் பூஜை துவங்கும் முன்பே அப்படம் தயாரிப்பாளருக்கு பல கோடி லாபத்தை பெற்று தந்துள்ளது. லியோ படத்தின் டிஜிட்டல் மற்றும் சாட்டிலைட் உரிமையே பல கோடிக்கு விற்பனை ஆகியுள்ளது.
Leo: சொன்னதை செய்து காட்டிய லோகேஷ்..லியோ படத்திலிருந்து வெளியான மாபெரும் அப்டேட் இதோ..!
இதைத்தொடர்ந்து விஜய்யின் அடுத்த படத்தை தயாரிக்க பல தயாரிப்பு நிறுவனங்கள் போட்டிபோட்டு வருகின்றன. இவ்வாறு இருக்கையில் விஜய் படத்தினால் கடும் நஷ்டத்தை சந்தித்துள்ளதாக ஒரு தயாரிப்பாளர் கூறியுள்ளது பலருக்கும் அதிர்ச்சியாக இருக்கின்றது.
அதாவது தமிழ் சினிமாவில் பிரபலமான தயாரிப்பு நிறுவனம் தான் AGS . இதன் நிர்வாக பொறுப்பை தற்போது அர்ச்சனா கல்பாத்தி தான் பார்த்து வருகின்றார். இந்நிலையில் சமீபத்தில் ஒரு பேட்டியில் அர்ச்சனா பேசுகையில், கடைசி படத்தால் நாங்கள் மிகவும் கஷ்டத்தில் இருந்தோம். அதிலிருந்து எங்களை மீட்டது லவ் டுடே படத்தின் வெற்றி தான் என அவர் கூறியிருந்தார்.
இதன் மூலம் இவர் விஜய்யன் பிகில் படத்தை தான் கூறுகின்றாரோ
என சிலர் யூகித்து வருகின்றனர். அட்லீ மற்றும் விஜய்யின் கூட்டணியில் கடந்த 2019 ஆம் ஆண்டு வெளியான பிகில் திரைப்படத்தை AGS நிறுவனம் மிகப்பிரமாண்டமாக தயாரித்திருந்தது. மிகப்பெரிய எதிர்பார்ப்பில் வெளியான அப்படம் கலவையான விமர்சனங்களையே பெற்றது.
இருப்பினும் வசூல் ரீதியாக அப்படம் வெற்றிப்படம் தான் என பேசப்பட்டது. ஆனால் தற்போது அர்ச்சனா கூறியதை அடுத்து பிகில் தோல்வி அடைந்துள்ளதாக தெரிகின்றது. இதையடுத்து ஒரு சிலரோ AGS பிகில் படத்தை தொடர்ந்து நகைச்சுவை நடிகர் சதிஷ் நாயகனாக நடித்த நாய் சேகர் படத்தை தயாரித்தனர். அப்படம் எதிர்பார்த்த வெற்றியை பெறவில்லை.
எனவே அந்த படத்தை தான் அவர் கூறியிருப்பார், பிகில் படத்தை சொல்லியிருக்கமாட்டார். ஏனென்றால் அப்படம் 300 கோடிக்கு மேல் வசூலித்துள்ளது என்கின்றனர். இந்நிலையில் அர்ச்சனா தற்போது பேசியதை அடுத்து இணையத்தில் சில அஜித் ரசிகர்கள் விஜய்யால் முன்னனணி தயாரிப்பு நிறுவனம் நஷ்டத்தை சந்தித்துள்ளது என விஜய் ரசிகர்களை சீண்டி வருகின்றனர். எனவே இதன் மூலம் மீண்டும் இரு ரசிகர்களுக்கும் மோதல் வெடிக்கும் நிலை ஏற்பட்டுள்ளது குறிப்பிடத்தக்கது.