7வது ஊதியக் கமிஷன் – அகவிலைப்படி உயர்வு: மத்திய அரசு ஊழியர்கள் கடந்த சில மாதங்களாக அகவிலைப்படி உயர்வு மற்றும் ஊதிய உயர்வுக்காக காத்திருக்கின்றனர். முன்னதாக, ஹோலி பண்டிகையை ஒட்டி அவர்களுக்கு அகவிலைப்படி உயர்வு (டிஏ) கிடைக்கும் என்று கூறப்பட்டது. ஆனால், மத்திய அரசு அந்த நேரத்தில் இது பற்றி எதையும் அறிவிக்கவில்லை. இந்நிலையில் தற்போது ஊழியர்களுக்கு ஒரு நல்ல செய்தி கிடைத்துள்ளது.
ஜீ பிசினஸ் அறிக்கையின்படி, அகவிலைப்படி (டிஏ) உயர்வை மத்திய அரசு மார்ச் 22, அதாவது புதன்கிழமை அன்று அறிவிக்க வாய்ப்புள்ளது. மார்ச் 22 ஆம் தேதி நடைபெறும் முக்கியமான மத்திய அமைச்சரவைக் கூட்டத்திற்குப் பிறகு டிஏ உயர்வு குறித்த அறிவிப்பு வெளிவர வாய்ப்புள்ளது.
மத்திய அரசு ஊழியர்களுக்கு 4% அகவிலைப்படியை உயர்த்தி மத்திய அரசு அறிவிக்க வாய்ப்புள்ளது. தற்போது, ஊழியர்கள் 38% அகவிலைப்படி மற்றும் அகவிலை நிவாரணத்தைப் பெறுகின்றனர். புதிய உயர்வுக்குப் பிறகு, ஊழியர்களின் அகவிலைப்படி 42% -ஐ எட்டும். இதன் காரணமாக ஊழியர்களின் ஊதியத்தில் பம்பர் உயர்வு இருக்கும்.
கடந்த முறை, மத்திய அரசு அகவிலைப்படி உயர்வு பற்றிய அறிவிப்பை செப்டம்பர் 28, 2022 அன்று வெளியிட்டது. அது ஜூலை 1, 2022 முதல் அமலுக்கு வந்தது. ஆண்டுக்கு இரண்டு முறை, அதாவது ஜனவரியில் ஒரு முறையும், ஜூலையில் இரண்டாவது முறையும் அகவிலைப்படியில் மத்திய அரசு திருத்தம் செய்கிறது.
4% அகவிலைப்படி உயர்வுக்குப் பிறகு, மொத்த அகவிலைப்படி 42% ஆக உயரும். இதன் காரணமாக, ரூ.18,000 அடிப்படைச் சம்பளத்தின் மீதான மொத்த ஆண்டு அகவிலைப்படி ரூ.90,720 (ஆண்டுதோறும்) ஆக இருக்கும். ஒவ்வொரு மாதமும் ரூ.720 அதிகரிக்கும். தற்போது, 38% வீதத்தில், ஊழியர்களுக்கு மாதந்தோறும் ரூ.6,840 அகவிலைப்படி வழங்கப்படுகிறது. புதிய உயர்வுக்குப் பிறகு, ஊழியர்களுக்கு மாதம் ரூ.7,560 கிடைக்கும்.
ஊழியர்களின் மாத சம்பளம் ரூ.18,000 என்ற கணக்கில், அகவிலைப்படி கணக்கீடு இதோ:
18000 x 42 / 100 = 7560
புதிய அகவிலைப்படி (42%) – ரூ 7560/மாதம்
புதிய அகவிலைப்படி (42%) – ரூ 90,720/ஆண்டு
இதுவரை அகவிலைப்படி – (38%) ரூ.6840/மாதம்
எவ்வளவு அகவிலைப்படி அதிகரித்தது – 7560- 6840 = மாதம் ரூ 720
ஆண்டு ஊதிய உயர்வு – 720X12 = ரூ.8,640
மேலே உள்ள ஃபார்முலாவைப் பயன்படுத்தி அனைத்து ஊழியர்களும் அவரவர் அகவிலைப்படி உயர்வுத் தொகையைக் கணக்கிடலாம்.