எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
கடந்தாண்டு இயக்குனர் விக்னேஷ் சிவன் கோலிவுட் வட்டாரத்தில் பரபரப்பாக வலம் வந்தார். காத்துவாக்குல ரெண்டு காதல் படத்தின் வெற்றி, அஜித்தை இயக்கும் வாய்ப்பு, நயன்தாராவுடன் திருமணம் என பரபரப்பாக இருந்தார் விக்னேஷ் சிவன். ஆனால் தற்போது நிலைமை தலைகீழாக மாறிவிட்டது.
ஆசை ஆசையாக அஜித்தின் படத்தை இயக்க ஆர்வமாக இருந்த விக்னேஷ் சிவனை AK62 படத்திலிருந்து அதிரடியாக நீக்கிவிட்டனர். விக்னேஷ் சிவனின் கதையில் உடன்பாடில்லை என்ற காரணத்தினால் இப்படத்திலிருந்து அவரை நீக்கியதாக தகவல்கள் வருகின்றன.
ஆனால் ஒரு கதை பிடிக்கவில்லை என்றால் கதையை தான் மாற்றச்சொல்வார்கள், ஆனால் இயக்குனரையே மாற்றியுள்ளது ஆச்சர்யமாக பார்க்கப்படுகின்றது. எனவே விக்னேஷ் சிவனை நீக்கியதற்கு கதையை தவிர வேறெதும் காரணம் இருக்கும் என்பது ரசிகர்களின் கணிப்பாக இருக்கின்றது.
Ajith: V நடிகருக்கு அஜித் செய்த உதவி..இதெல்லாம் பெரிய விஷயம்பா..!
இந்நிலையில் அடுத்ததாக விக்னேஷ் சிவன் ராஜ் கமல் பிலிம்ஸ் சார்பாக கமல் தயாரிப்பில் ஒரு படத்தை இயக்கவுள்ளார் என்றும்,அப்படத்தில் லவ் டுடே புகழ் பிரதீப் ரங்கநாதன் ஹீரோவாக நடிக்கின்றார் என்றும் பேசப்பட்டு வருகின்றது. இதுவரை எந்த ஒரு அதிகாரபூர்வ அறிவிப்பும் இல்லை என்றாலும் இக்கூட்டணி இணைவது உறுதி என கோலிவுட் வட்டாரத்தில் பேசி வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
தற்போது மிகப்பெரிய வெற்றியின் மூலம் தான் யார் என நிரூபிக்கும் தருணத்தில் விக்னேஷ் சிவன் இருப்பதால் இவரின் அடுத்த படத்தைஎதிர்பார்த்து கோலிவுட்டே ஆவலாக இருக்கின்றது. இந்நிலையில் சமீபத்தில் ஒரு நிகழ்ச்சியில் கலந்துகொண்ட விக்னேஷ் சிவன் பத்திரிகையாளர்களை சந்தித்து பேசினார்.
அப்போது நிருபர் ஒருவர் அஜித்தின் AK62 படத்தை பற்றி கேள்வி கேட்டதற்கு, இது தேவையில்லாத கேள்வி ,இந்நிகழ்ச்சிக்கு சம்மந்தமான கேள்வியை மட்டும் கேளுங்கள் என சற்று காட்டமாக கூறினார் விக்னேஷ் சிவன். மேலும் உதயநிதியின் ரெட் ஜெயண்ட் தயாரிப்பில் ஒரு படத்தை இயக்கப்போகின்றீர்களா என்ற கேள்விக்கும் விக்னேஷ் சிவன் இதே பதிலைத்தான் கூறினார்.
இந்நிலையில் விக்னேஷ் சிவன் மற்றும் பிரதீப் ரங்கநாதன் கூட்டணியில் உருவாகும் திரைப்படம் இளைஞர்களை கவரும் காதல் படமாக இருக்கும் என்றும், இப்படத்தில் நயன்தாரா முக்கியமான கதாபாத்திரத்தில் நடிப்பதாகவும் தகவல்கள் வருவது குறிப்பிடத்தக்கது.