கர்நாடக மாநில சட்டமன்றத்தின் பதவிக் காலம் வரும் மே 24ஆம் தேதி உடன் முடிவுக்கு வருகிறது. அதற்குள் தேர்தலை நடத்தி புதிய ஆட்சி பொறுப்பேற்க வேண்டும். இதற்கான வேலைகளில் தேர்தல் ஆணையம் மும்முரம் காட்டி வருகிறது. அடுத்த சில வாரங்களில் அறிவிப்பு வெளியாகி தேர்தல் பரபரப்பு தொற்றிக் கொள்ளும் என எதிர்பார்க்கப்படுகிறது.
கர்நாடக அரசியல்
கர்நாடகாவை பொறுத்தவரை
காங்கிரஸ்
, பாஜக, மதச்சார்பற்ற ஜனதா தளம் ஆகிய மூன்று கட்சிகளுக்கு இடையில் தான் பிரதான போட்டியே. மொத்தமுள்ள 224 தொகுதிகளில் 113ல் வெற்றி பெறும் கட்சியே தனிப் பெரும்பான்மை பெற்று ஆட்சி அமைக்க முடியும். கடந்த 2018 சட்டமன்ற தேர்தலில் எந்த ஒரு கட்சிக்கும் பெரும்பான்மை கிடைக்கவில்லை.
சட்டமன்ற தேர்தல்
இதனால் காங்கிரஸ் – மதச்சார்பற்ற ஜனதா தளக் கூட்டணி முதலில் ஆட்சி அமைத்தது. ஆனால் பாஜக நடத்திய ஆபரேஷனில் அடுத்த 14 மாதங்களில் ஆட்சி கவிழ்ந்தது. பின்னர் பாஜக ஆட்சி, இடைத்தேர்தல் என அதிரி புதிரி சம்பவங்கள் அரங்கேறின. இதுபோன்ற சூழல் வந்துவிடக் கூடாது என மூன்று கட்சிகளுமே வியூகங்கள் வகுத்து செயல்பட்டு வருகின்றன.
கருத்துக்கணிப்பு முடிவுகள்
இந்நிலையில் ’கர்நாடகா டிவி’ நடத்திய கருத்துக்கணிப்பு முடிவுகள் தற்போது வெளியாகியுள்ளன. அதில், பாஜக 107, காங்கிரஸ் 75, மதச்சார்பற்ற ஜனதா தளம் 36, மற்றவை 6 என வெற்றி பெறக் கூடும். பாஜகவிற்கு தனிப் பெரும்பான்மை கிடைத்தாலும் கடந்த முறையை போலவே ஆட்சி அமைக்கும் அளவிற்கு செல்வாக்கு இல்லை. இதனால் தொங்கு சட்டமன்றத்தை நோக்கி முடிவுகள் நகர்ந்துள்ளது. மண்டல வாரியாக பார்க்கும் போது,
போட்டியிடும் பிற கட்சிகள்
2023 கர்நாடக சட்டமன்ற தேர்தலில் மூன்று பிரதான கட்சிகளை தாண்டி இடது ஜனநாயக முன்னணி என்ற பெயரில் கம்யூனிஸ்ட் கட்சிகள் போட்டியிட திட்டமிட்டுள்ளன. இதுதவிர பகுஜன் சமாஜ், தேசியவாத காங்கிரஸ், தேசிய மக்கள் கட்சி, ஆம் ஆத்மி, ஐக்கிய ஜனதா தளம்,
ஏஐஎம்ஐஎம், இந்து மகாசபா, உத்தம பிரஜாகீய கட்சி, கல்யாண ராஜ்ய பிரகதி பக்ஷா, இந்திய சமூக ஜனநாயக கட்சி ஆகியவை போட்டியிடுகின்றன. இவை அனைத்தும் தனித்து களமிறங்குவதால் ஒருசில இடங்களில் வெல்வது கூட கடினம் என்றே சொல்லப்படுகிறது.