பிரித்தானியாவின் கவச-துளையிடும் சேலஞ்சர்-2 டாங்கிகள் உக்ரைனுக்கு வந்துள்ளதாக தகவல்கள் தெரிவிக்கின்றன.
உக்ரைனில் சேலஞ்சர்-2 டாங்கிகள்
உக்ரைனிய பாதுகாப்பு அமைச்சகத்தின் செய்தித் தொடர்பாளர் இரினா சொலோடர் (Iryna Zolotar), பிரித்தானியாவின் கவச-துளையிடும் சேலஞ்சர்-2 டாங்கிகள் ஏற்கனவே உக்ரைனில் உள்ளன என்று கூறினார். இரினா வேறு எந்த விவரங்களையும் வழங்கவில்லை.
இந்த டாங்கிகள் ரஷ்யாவிற்கு எதிரான உக்ரைனின் எதிர் தாக்குதல் நடவடிக்கையின் ஒரு பகுதியாக இருக்கும் என்று கூறப்படுகிறது. சேலஞ்சர் 2 டாங்கிகள் மெலிவுற்ற யுரேனியம் குண்டுகளை வெடிபொருட்களாக பயன்படுத்துகின்றன.
PA
புடின் எச்சரிக்கையை மீறி..
கடந்த வாரம், ரஷ்ய ஜனாதிபதி விளாடிமிர் புடின், கவச-துளையிடும் வெடிமருந்துகளை வழங்குவதற்கான வாக்குறுதியை பிரித்தானியா பின்பற்றினால், ரஷ்யா அதற்கு பதிலளிக்க வேண்டிய கட்டாயம் ஏற்படும் என்று எச்சரித்தார்.
இருப்பினும், அவரது எச்சரிக்கையை மீறி உக்ரைன் மற்றும் பிரித்தானியா தரப்பிலிருந்து இப்போது பல முன்னேற்றங்கள் ஏற்பட்டுள்ளன.
AFP
உக்ரைனின் பாதுகாப்பு அமைச்சர் ஒலெக்ஸி ரெஸ்னிகோவ், நாட்டின் படைகளில் ஒரு “புதிய சேர்த்தலை” ஆய்வு செய்ததாக நேற்று (திங்கட்கிழமை) கூறினார். அவர் பிரித்தானியாவின் சேலஞ்சர் டாங்கிகள் மற்றும் ஜேர்மனியின் மார்டர் காலாட்படை சண்டை வாகனங்கள், மேலும் கூகர் கவச டிரக்குகள் மற்றும் அமெரிக்காவிலிருந்து வந்த ஸ்ட்ரைக்கர் கவச பணியாளர்கள் கேரியர்களைக் குறிப்பிடுவதாக AFP தெரிவித்துள்ளது.
Twitter
பிரித்தானியாவின் சேலஞ்சர் டாங்கிகள் ‘இராணுவ கலை’
மேலும், பிரித்தானியாவின் சேலஞ்சர் டாங்கிகளை பேஸ்புக்கில் பாராட்டிய உக்ரைனிய பாதுகாப்பு அமைச்சர், அதனை “இராணுவ கலை” என்று வர்ணித்தார். மேலும் “ஒரு வருடத்திற்கு முன்பு, எங்கள் கூட்டாளர்களின் ஆதரவு இவ்வளவு வலுவாக இருக்கும் என்று யாரும் நினைத்திருக்க மாட்டார்கள்” என்று அவர் பெருமையாக கூறினார்.
பிரித்தானியா வழங்கிய சேலஞ்சர் டாங்கிகள் குறித்த பயிற்சியை உக்ரேனிய துருப்புக்கள் முடித்துவிட்டதாகவும், முன் வரிசையில் நிறுத்த தயாராக இருப்பதாகவும் பிரித்தானிய தரப்பிலிருந்து திங்களன்று தெரிவிக்கப்பட்டது.