மாறிமாறி வாழ்த்து தெரிவித்துக் கொண்ட கீர்த்தி சுரேஷ் – சூரி
தெலுங்கு நடிகர் நானிக்கு ஜோடியாக கீர்த்தி சுரேஷ் நடித்துள்ள தசரா படம் நேற்று வெளியானது. மிகுந்த எதிர்பார்ப்புகளுக்கு இடையே வெளியான இப்படம் முதல் நாளில் 30 கோடி ரூபாய்க்கு மேல் வசூலித்துள்ளது. இந்த நிலையில் இப்படத்தின் நாயகியான கீர்த்தி சுரேஷுக்கு நடிகர் சூரி வாழ்த்து தெரிவித்திருந்தார். அதில், என் அன்பு தங்கச்சி கீர்த்தி சுரேஷ், நானி, ஸ்ரீகாந்த் ஒடேலா மற்றும் படக்குழுவினருக்கு வாழ்த்துக்கள் என்று பதிவிட்டு இருந்தார்.
இந்நிலையில் வெற்றிமாறன் இயக்கத்தில் சூரி கதையின் நாயகனாக நடித்துள்ள விடுதலை படம் இன்று திரைக்கு வந்திருப்பதை அடுத்து கீர்த்தி சுரேஸும் அவருக்கு வாழ்த்து தெரிவித்து ஒரு பதிவு வெளியிட்டுள்ளார். அந்த பதிவில், என் அன்பு அண்ணனின் விடுதலை திரைப்படம் மாபெரும் வெற்றி பெற உங்கள் அன்பு தங்கையின் மனமார்ந்த வாழ்த்துக்கள் என்று பதிவிட்டு இருக்கிறார்.