இரண்டு நாட்களில் ரூ.53 கோடி வசூலித்த ‛தசரா'
ஸ்ரீகாந்த் ஓடலா இயக்கத்தில் நடிகர் நானி நடிப்பில் உருவாகி மார்ச் 30ல் திரைக்கு வந்த திரைப்படம் தசரா. இதில் கதாநாயகியாக கீர்த்தி சுரேஷ் நடித்துள்ளார். எஸ்.எல்.வி சினிமாஸ் நிறுவனம் தயாரிக்க, சந்தோஷ் நாராயணன் இசையமைத்துள்ளார். தெலுங்கு மட்டுமல்லாது தமிழ், மலையாளம், ஹிந்தி உள்ளிட்ட 5 மொழிகளில் இந்தப்படம் வெளியாகி உள்ளது. படத்திற்கு கலவையான விமர்சனங்கள் வந்தபோதிலும் தெலுங்கில் இப்படம் நல்ல வரவேற்பை பெற்றுள்ளது. முதல்நாளிலேயே 38 கோடி வசூலை குவித்த இந்தப்படம் இரண்டு நாளில் உலகம் முழுக்க ரூ.53 கோடிக்கும் அதிகமாக வசூலித்து இருப்பதாக படக்குழுவினரே அதிகாரப்பூர்வமாக போஸ்டருடன் அறிவித்துள்ளனர்.