எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
ஹைப்பொதுவாகவே விஜய் படங்கள் என்றாலே மிகப்பெரிய எதிர்பார்ப்பு இருந்து வரும் ஆனால் லியோ படத்திற்கு கூடுதல் எதிர்பார்ப்பு இருந்து வருகின்றது. அதற்கு மிக முக்கிய காரணம் லோகேஷ் மற்றும் விஜய்யின் கூட்டணி தான். லோகேஷின் முந்தைய படமாக விக்ரம் மாபெரும் வெற்றி பெற்றதால் இந்திய அளவில் பிரபலமான இயக்குனராக மாறிவிட்டார் லோகேஷ்.. எனவே இவர் அடுத்ததாக விஜய்யுடன் இணைகிறார் என்றவுடன் இந்தியளவில் லியோ திரைப்படம் ட்ரெண்டானது. மேலும் இப்படம் முழுக்க முழுக்க லோகேஷின் ஸ்டைலில் உருவாக இருப்பதாக வந்த செய்தியால் இப்படத்தின் மூலம் நாம் விஜய்யை வேறொரு கோணத்தில் பார்க்கலாம் எனவும் ரசிகர்கள் ஆவலாக இருக்கின்றனர்
காஷ்மீர் போர்ஷன் ஓவர் லியோ திரைப்படத்தின் பூஜை கடந்த டிசம்பர் மாதம் போடப்பட்ட நிலையில் இப்படத்தின் முதல்கட்ட படப்பிடிப்பு காஷ்மீரில் கடும் குளிருக்கு மத்தியில் விறுவிறுப்பாக நடந்து முடிந்தது. கிட்டத்தட்ட ஒரு மாதத்திற்கு மேலாக காஷ்மீரில் லியோ படப்பிடிப்பு பல போராட்டங்களுக்கு மத்தியில் நடந்துள்ளது. குளிர், நிலநடுக்கம் என பல பிரச்சனைகளை லியோ படக்குழு சந்தித்தாலும் ஒரு நாள் கூட வீணடிக்காமல் படப்பிடிப்பை முடித்துள்ளனர். காஷ்மீரில் படப்பிடிப்பு முடிந்ததை ஒரு வீடியோவின் மூலம் படக்குழு வெளியிட்டது. பல சவால்களை சந்தித்து படப்பிடிப்பை லோகேஷ் திட்டமிட்டபடி முடித்ததை பார்த்து கோலிவுட் வட்டாரமே அவரை பாராட்டி வருகின்றது.
கண்டிஷன் போட்ட விஜய் காஷ்மீரில் லியோ படக்குழு பட்ட கஷ்டத்தை பார்த்த தளபதி விஜய் லோகேஷிடம் கண்டிஷன் போட்டாராம். அதாவது அவுட் டோர் படப்பிடிப்பில் படக்குழுவினர் படும் கஷ்டத்தை பார்த்த விஜய், இனிமேல் அவுட்டோர் படப்பிடிப்பு வேண்டாம் என லோகேஷிடம் கூறிவிட்டாராம். மேலும் அனைத்து காட்சிகளையும் செட் போட்டு எடுத்துவிடலாம் என்றும், மீதம் இருக்கும் அவுட்டோர் படப்பிடிப்பின் பிளானை மாற்றுமாறு லோகேஷிடம் கூறியுள்ளார் விஜய். இதைக்கேட்ட லோகேஷ் சென்னை மற்றும் ஹைதராபாத் ராமோஜி பிலிம் சிட்டியில் மிகப்பிரமாண்டமான செட் ஒன்றை அமைத்து மீதமுள்ள படப்பிடிப்பை முடிக்க திட்டமிட்டுள்ளார் என ஒரு தகவல் வந்துள்ளது
சென்னையில் துவக்கம் இந்நிலையில் லியோ திரைப்படத்தின் அடுத்தகட்ட படப்பிடிப்பு சென்னையில் இன்று துவங்கவுள்ளதாம். சென்னை பிரசாத் ஸ்டுடியோவில் மிகப்பிரமாண்டமான செட் ஒன்றை படக்குழு அமைத்து அங்கே படத்தின் முக்கியமான காட்சிகளை படமாக்க இருக்கின்றதாம். விஜய்யின் வீடு, சாக்லேட் பாக்டரி போன்ற செட்களை பிரசாத் ஸ்டுடியோவில் போட்டு அங்கே நடக்கும் காட்சிகளை படமாக இருக்கின்றார் லோகேஷ். மேலும் விஜய் மற்றும் த்ரிஷா சம்மந்தப்பட்ட காட்சிகள், விஜய் மற்றும் அர்ஜுன் சம்மந்தப்பட்ட காட்சிகள் அனைத்தும் சென்னையில் தான் படமாக்கப்பட இருப்பதாகவும் தகவல் வந்துள்ளது. எனவே இனிமேல் லியோ படக்குழு படப்பிடிப்பிற்காக அவுட்டோர் போகாது எனவும், மீதமுள்ள படப்பிடிப்பை செட் அமைத்து நடத்த இருப்பதாகவும் தகவல்கள் வந்துள்ளது குறிப்பிடத்தக்கது