எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
சறுக்கல் தமிழ் சினிமாவில் தற்போது இருக்கும் நடிகர்களில் பலருக்கு ரோல் மாடல் சூப்பர்ஸ்டார் ரஜினி தான். இவரை பார்த்து சினிமாவில் நடிகராகவேண்டும் என்ற ஆசையில் பலர் திரைத்துறையில் அடியெடுத்து வைத்துள்ளனர். அவ்வளவு ஏன் தளபதி விஜய்யே சூப்பர்ஸ்டார் ரஜினியை பார்த்து தான் சினிமாவில் நடிக்கும் ஆசையை வளர்த்து கொண்டார். இவ்வாறு பலருக்கு ரோல் மாடலாக இருந்து வரும் ரஜினி சமீபகாலமாக தொடர் தோல்விகளை கொடுத்து வருகின்றார். கடந்த சில ஆண்டுகளாக ரஜினி நடிப்பில் வெளியான திரைப்படங்கள் சொல்லிக்கொள்ளும் அளவிற்கு வெற்றிகளை பெறவில்லை. குறிப்பாக அவரது நடிப்பில் கடைசியாக வெளியான அண்ணாத்த திரைப்படம் படுதோல்வி அடைந்தது.இந்திய சினிமாவில் கடந்த நாற்பது ஆண்டுகளாக கொடிகட்டி பறந்து வரும் ரஜினி தற்போது சறுக்கல்களை சந்தித்து வருகின்றார்
அடுத்த சூப்பர்ஸ்டார் ஒருபக்கம் ரஜினியின் மார்க்கெட் தொடர் தோல்விகளினால் ஆட்டம் கண்டுவரும் நிலையில் மறுபக்கம் விஜய்யின் மார்க்கெட் சரசர வென உயர்ந்து வருகின்றது. படத்திற்கு படம் வசூல் சாதனைகளை செய்து வரும் விஜய்யின் சம்பளமும் கணிசமாக உயர்ந்து வருகின்றது. இதையடுத்து தமிழ் சினிமாவில் அடுத்த சூப்பர்ஸ்டார் விஜய் தான் என கோலிவுட் வட்டாரத்தில் சிலர் கிசுகிசுக்க இது ரஜினி ரசிகர்களை கோபத்திற்கு ஆளாக்கியது.
தமிழ் சினிமாவில் ஒரே சூப்பர்ஸ்டார் தான், அது தலைவர் ரஜினி தான் என அவரது ரசிகர்கள் கூற, இவர்களுக்கும் விஜய் ரசிகர்களுக்கும் மோதல்கள் வெடித்து வருகின்றன. மேலும் அடுத்த சூப்பர்ஸ்டார் யார் என்ற பேச்சு கோலிவுட் வட்டாரத்தில் பரபரப்பாக பேசப்பட்டு வருகின்றது. பலரும் பல கருத்துகளை முன்வைத்து வருகின்றனர்.
ரஜினியின் லைன் அப்ஸ்ரஜினி தற்போது நெல்சனின் இயக்கத்தில் ஜெயிலர் திரைப்படத்தில் நடித்து வருகின்றார். இப்படம் வெற்றிபெறும் பட்சத்தில் அடுத்த சூப்பர்ஸ்டார் யார் என்ற பேச்சுக்கு ரஜினி முற்றுப்புள்ளி வைத்துவிடுவார் என எதிர்பார்ப்படுகின்றது. தமிழ் சினிமாவில் நிரந்தர சூப்பர்ஸ்டார் நான் தான் என்பதை ரஜினி மிகப்பெரிய வெற்றியின் மூலம் உணர்த்த இருக்கின்றார். அந்த வெற்றியை ஜெயிலர் படம் பெற்று தரும் எனவும் நம்பியுள்ளார் ரஜினி. இதையடுத்து ஐஸ்வர்யா இயக்கத்தில் லால் சலாம் என்ற படத்தில் கெஸ்ட் ரோலில் நடிக்கின்றார் ரஜினி. இதையடுத்து ஜெய் பீம் படத்தை இயக்கிய ஞானவேல் இயக்கத்தில் ஒரு படத்திலும் ரஜினி நடிக்கின்றார். உண்மை சம்பவத்தை அடிப்படையாக கொண்டு உருவாகும் இப்படத்தில் ரஜினி போலீஸ் அதிகாரியாக நடிப்பதாக தகவல்கள் வருகின்றன. இதையடுத்து லோகேஷ் கனகராஜின் இயக்கத்தில் ரஜினி தன் 171 திரைப்படத்தில் நடிப்பதாகவும் பேசப்பட்டு வருகின்றது
ஒற்றுமை இந்நிலையில் ரஜினி மற்றும் விஜய்யின் லைன் அப்ஸ் ஒரே மாதிரி இருப்பதாகவும், ரஜினி விஜய்யை பின்தொடர்கின்றார் எனவும் பேசி வருகின்றனர். அதாவது விஜய் ஏ.ஆர் முருகதாஸின் இயக்கத்தில் மூன்று படங்களில் நடித்துள்ளார். அதன் பிறகு நெல்சன் இயக்கத்தில் பீஸ்ட் படத்திலும் லோகேஷ் இயக்கத்தில் மாஸ்டர், லியோ படத்திலும் நடிக்கின்றார். இதே போல ரஜினி முருகதாஸ் இயக்கத்தில் தர்பார் படத்தில் நடித்தார்.இதையடுத்து தற்போது நெல்சன் இயக்கத்தில் ஜெயிலர் படத்தில் நடித்து வருகின்றார். இதன் பிறகு லோகேஷ் இயக்கத்திலும் ரஜினி நடிக்கவுள்ளார். இந்நிலையில் முருகதாஸ், நெல்சன், லோகேஷ் என விஜய் பட இயக்குனர்களுடன் ரஜினி அடுத்தடுத்து நடித்து வருவதால் விஜய்யை ரஜினி பின்பற்றுகிறார் என சில ரசிகர்கள் பேசி வருகின்றனர்