அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
விஜய் மற்றும் லோகேஷ் கனகராஜின் கூட்டணியில் தற்போது லியோ திரைப்படம் உருவாகி வருகின்றது.மாஸ்டர் படத்தின் மூலம் வெற்றியை பதிவு செய்த இக்கூட்டணி மீண்டும் இணைந்துள்ளதால் இப்படத்திற்கு கூடுதல் எதிர்பார்ப்பு இருந்து வருகின்றது. மேலும் இப்படம் முழுக்க முழுக்க லோகேஷின் ஸ்டைலில் உருவாகி வருவதாலும் இப்படத்தை ரசிகர்கள் ஆவலாக எதிர்பார்த்து காத்துக்கொண்டிருக்கின்றனர்.
இந்நிலையில் இப்படத்தின் முதல்கட்ட படப்பிடிப்பு காஷ்மீரில் நடந்து முடிந்த நிலையில் தற்போது அடுத்தகட்ட படப்பிடிப்பு சென்னையில் நடைபெற்று வருகின்றது. விஜய் உட்பட இப்படத்தில் கெளதம் மேனன், சஞ்சய் தத், மன்சூர் அலி கான், அர்ஜுன் என மிகப்பெரிய நட்சத்திர பட்டாளமே நடித்து வருகின்றது.
விக்ரம் படத்தை போல இப்படம் LCU வில் உருவாகி வருவதாக தகவல்கள் வருவதால் இப்படத்தில் கார்த்தி ,சூர்யா,கமல் போன்றவர்கள் கெஸ்ட் ரோலில் நடிக்கும் வாய்ப்பு அமையவுள்ளதாக சிலர் பேசி வருகின்றனர். ஆனால் இதில் எந்தளவிற்கு உண்மை உள்ளது என்பது பற்றி தெரியவில்லை.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் குருவி படத்திற்கு பிறகு கிட்டத்தட்ட 15 வருடங்கள் கழித்து விஜய்யுடன் த்ரிஷா இப்படத்தில் இணைந்து நடித்து வருகின்றார். என்னதான் இப்படம் முழு ஆக்ஷன் படமாக்க இருந்தாலும் த்ரிஷா மற்றும் விஜய் இடையே ரொமான்டிக் காட்சிகள் அதிகளவில் இருக்கும் என்ற தகவல் வந்தது.கோலிவுட்டின் ரசிகர்களின் விருப்பத்திற்குரிய ஜோடியான விஜய் மற்றும் த்ரிஷா இடையே ரொமான்டிக் காட்சிகள் இருந்தால் அது ரசிகர்களுக்கு மிகப்பெரிய ட்ரீட்டாக இருக்கும் என்பதில் சந்தேகமும் இல்லை.
லியோ லீக்
இந்நிலையில் லியோ படப்பிடிப்பிலிருந்து தற்போது ஒரு புகைப்படம் இணையத்தில் லீக்காகி வருகின்றது. இந்த புகைப்படத்தில் விஜய் மற்றும் த்ரிஷா இருக்கின்றனர். இப்புகைப்படத்தை பார்க்கும்போதே இப்படத்தில் ரொமான்டிக் காட்சிகள் இருப்பதாக தெரிகின்றது என ரசிகர்கள் கூறி வருகின்றனர். இந்நிலையில் இப்படம் இணையத்தில் ட்ரெண்டாகி வரும் அதே வேளையில் ஷூட்டிங் ஸ்பாட்டில் இருந்து புகைப்படம் லீக்கானதால் படக்குழு கடும் அப்சட்டில் இருக்கின்றது குறிப்பிடத்தக்கது