அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
இங்கிலாந்து பிரதமர் ரிஷி சுனக்கை, அமெரிக்க அதிபர் சட்டை செய்யாதது சமூக வலைதளங்களில் வைரலாகி வருகிறது.
இனவெறி
கருப்பாக இருப்பவர்கள் தாழ்ந்தவர்கள் என்ற எண்ணம் வெள்ளை இனத்தவர்களுக்கு உண்டு என்பது அடிக் கோடிட்டு காட்டப்பட்ட உண்மை. இந்தியர்களை நாகரீகம் இல்லாதவர்கள் எனக் கூறிதான் ஆங்கிலேயர்கள் ஆட்சியை பிடித்தனர். அதேபோல் ஆப்பிரிக்க கருப்பினத்தவர்களிடையே தாங்கள் தாழ்ந்தவர்கள் என்ற எண்ணத்தை விதைத்து அவர்களை அடிமைகளாக வெள்ளை இனத்தவர்கள் விற்றனர் என்பதும் வரலாறு.
இங்கிலாந்து அரச குடும்பம்
சமீபத்திய நிகழ்வாக இங்கிலாந்து அரச குடும்பத்தில், இளவரசர் ஹேரியின் மனைவி மேகன் மார்க்கல் ஆப்பிரிக்க வம்சாவளியைச் சேர்ந்த அமெரிக்கர் என்ற காரணத்தால், அவர் மீது இனவெறி காட்டப்பட்டது. பிறக்கப்போகும் குழந்தை எந்த நிறத்தில் இருக்கும் என அரச குடும்பத்தினர் தொடர் இனவெறி காட்டியதால், அவர் தம்பதி அரச குடும்பத்தில் இருந்து வெளியேறியது, உலகம் முழுவதும் சர்ச்சையை ஏற்படுத்தியது. உலக வல்லரசாகவும், தாங்கள் மேன்மை பொருந்தியவர்களாகவும், மேலும் நாகரீகத்தில் உயர்வாகவும் காட்டிக் கொண்ட ஒரு அரச குடும்பத்தில், 21ம் நூற்றாண்டிலும் தொடரும் இனவெறி கருப்பினத்தவர்களுக்கு எதிரான மனப்பான்மையை வெளிச்சம் போட்டு காட்டியுள்ளது.
அமெரிக்க அதிபரின் செயல்
இந்தசூழலில் தான் அமெரிக்க அதிபரின் செயல், சமூக வலைதளங்களில் சர்ச்சையை ஏற்படுத்தியுள்ளது.
புனித வெள்ளி சமாதான உடன்படிக்கையின் 25 வது ஆண்டு நிறைவைக் குறிக்கும் வகையில் அமெரிக்க அதிபர் ஜோ பிடன், கடந்த செவ்வாய்க்கிழமை வடக்கு அயர்லாந்தைச் சென்றடைந்தார். பெல்ஃபாஸ்ட் சர்வதேச விமான நிலையத்தில் அவரை இங்கிலாந்து பிரதமர் ரிஷி சுனக் வரவேற்றார். இருப்பினும், அவர்களின் சந்திப்பின் ஒரு வீடியோ கிளிப், இங்கிலாந்து பிரதமரை பிடென் அங்கீகரிக்கத் தவறிவிட்டதாக என்று நெட்டிசன்கள் கண்டனம் தெரிவித்து வருகின்றனர்.
தற்போது வைரலாகி வரும் அந்த வீடியோவில், அமெரிக்க அதிபர் ஜோ பிடன், இங்கிலாந்து பிரதமர் ரிஷி சுனக்கை ஒதுக்கி வைத்துவிட்டு வேறொருவரை வாழ்த்துவது போல் தெரிகிறது. “சுனக்கை வழியிலிருந்து தள்ளிவிட்டு”, பிடென் ஒரு வெள்ளை அதிகாரிக்கு சல்யூட் செய்கிறார். இந்த வீடியோவை நெட்டிசன்கள் வீடியோவைப் பகிர்ந்து கடுமையான கண்டனங்களை பதிவு செய்து வருகின்றனர்.
அய்யயோ இங்கயுமா.?.. இனி இத்தாலியின் எதிர்காலம் அவ்வளவு தானா.?
ஐரிஷ் பாரம்பரியம்
தனது ஐரிஷ் பாரம்பரியத்தைப் பற்றி கடுமையாகப் பெருமிதம் கொள்ளும் பிடென், மூன்று நாள் பயணமாக அயர்லாந்து குடியரசிற்குச் செல்வதற்கு முன், பிரித்தானியரால் நடத்தப்படும் பிராந்தியத்தில் அரை நாள் கழித்தார். 80 வயதான அமெரிக்க அதிபர் அயர்லாந்தை “என் ஆன்மாவின் ஒரு பகுதி” என்று அழைக்கிறார், மேலும் அவரது வருகையில் அவரது 19 ஆம் நூற்றாண்டின் மூதாதையர்களின் சொந்த ஊர்களுக்கான பயணங்களும் அடங்கும். பிடென் பின்னர் ரிஷி சுனக்கை சந்தித்தார், அவர் அமெரிக்காவுடனான இங்கிலாந்தின் உறவு “சிறந்த வடிவத்தில்” இருப்பதாக கூறினார். பெல்ஃபாஸ்டில் உள்ள ஹோட்டல் ஒன்றில் இந்த சந்திப்பு இடம்பெற்றுள்ளது.