அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
கொடூர வீடியோ
உக்ரைன் வீரர் ஒருவரின் தலையை துண்டித்ததாகக் கூறப்படும் ஒரு பயங்கரமான வீடியோ சமூக வலைதளங்களில் வைரலானதை தொடர்ந்து, உக்ரைன் நேற்று விசாரணையைத் தொடங்கியது. கடந்த பிப்ரவரி 2022 இல் உக்ரைனை ரஷ்யா ஆக்கிரமித்ததில் இருந்து, ரஷ்யா செய்ததாகக் கூறப்படும் அட்டூழியங்களின் சமீபத்திய குற்றச்சாட்டு இதுவாகும்.
சமூக ஊடகங்களில் வைரலான இந்த வீடியோ, அதிபர் வோலோடிமிர் ஜெலென்ஸ்கி உட்பட தலைநகரம் கீவ்வில் உள்ள அதிகாரிகள் மற்றும் சர்வதேச அமைப்புகளிடமிருந்து சீற்றத்தை ஏற்படுத்தியது. ஆனால் ரஷ்யா இந்த வீடியோ காட்சிகளை “கொடூரமானது” என்று அழைத்தது. ஆனால் வீடியோவின் உண்மைத் தன்மை குறித்து சரிபார்க்கப்பட வேண்டும் என்று கூறியதாக அசோசியேட்டட் பிரஸ் செய்தி நிறுவனம் தெரிவித்துள்ளது.
வாக்னர் குழு
உக்ரைனின் ராணுவ உடையை அணிந்திருக்கும் ஒருவரை அந்த வீடியோ காட்டுகிறது. அங்கு இருக்கும் இருவர், அந்த உக்ரைன் ராணுவ உடை அணிந்த நபரை பிடித்திருக்கும் போது, மறைந்திருந்த மற்றொரு நபர் கத்தியைப் பயன்படுத்தி அவரைத் தலை துண்டிக்கிறார். வீடியோவில் காட்டப்பட்டுள்ள மூன்றாவது நபர், தலை துண்டிக்கப்பட்ட நபருக்கு சொந்தமான ஒரு ஃபிளாக் ஜாக்கெட்டை உயர்த்துகிறார். மூன்று பேரும் ரஷ்ய மொழி பேசுகிறார்கள்.
இது அனேகமாக ரஷ்யாவின் கூலிப்படையான வாக்னர் குழுவின் வெறிச் செயல் என கூறப்படுகிறது. எனினும் வீடியோவின் உண்மை தன்மை குறித்து ஆராயப்பட வேண்டும் எனவும் ஜனநாயகவாதிகள் கூறிவருகின்றனர். கடந்த சில நாட்களுக்கு முன்பு, பின் வாங்கிய ரஷ்யப் படைகள் நகரை விட்டு வெளியேறிய பிறகு, புச்சாவில் தெருக்களிலும் வெகுஜன புதைகுழிகளிலும் இறந்த பொதுமக்கள் உடல்கள் உலகையே திகிலடையச் செய்த நிலையில், தற்போது இந்த வீடியோ வெளியாகியுள்ளது. ஆனால் இது உக்ரைன் அரங்கேற்றிய நாடகம் என ரஷ்ய ஆதரவாளர்கள் கூறிவருகின்றனர்.
குழந்தைகள் கடத்தல்
உக்ரைனின் அறிக்கையின் படி பிப்ரவரி 24, 2022 படையெடுப்பிலிருந்து 16 ஆயிரத்திற்கும் மேற்பட்ட உக்ரேனிய குழந்தைகள் ரஷ்யாவிற்கு நாடு கடத்தப்பட்டுள்ளனர். பலர் நிறுவனங்கள் மற்றும் வளர்ப்பு வீடுகளில் வைக்கப்பட்டுள்ளதாக கூறப்படுகிறது. அதைத் தொடர்ந்து தடவியல் சான்றுகள், ஆய்வுகளின் அடிப்படையில் ரஷ்ய அதிபர் விளாடிமிர் புடினை போர் குற்றவாளியாக அறிவித்து, அவரை கைது செய்ய பிடி வாரண்டை அறிவித்தது சர்வதேச குற்றவியல் நீதிமன்றம்.
கொரோனா மர்மம்.. ‘நோ அதெல்லாம் முடியாது’ – மரபணுவை தர மறுக்கும் சீனா.!
அதை அமெரிக்கா, உக்ரைன் உள்ளிட்ட நாடுகள் வரவேற்றுள்ளன. ஆனால் கடந்த வியட்நாம் போரில் தோற்று புறமுதுகிட்டு ஓடிய அமெரிக்க படை, அங்கிருந்த குழந்தைகளை நாடு கடத்தியது குறித்து ரஷ்ய ஆதரவாளர்களும், ஜனநாயகவாதிகளும் ட்விட்டரில் ட்ரெண்டாக்கினர். அதேபோல் ஆப்கானிஸ்தானில் செய்த போர் குற்றங்களை விசாரித்தால் சர்வதேச குற்றவியல் நீதிமன்றத்தை தகர்ப்போம் என அமெரிக்கா வெளிப்படையாக அறிவித்ததையும் ரஷ்ய ஆதரவாளர்கள் சமூக வலைதளத்தில் பரப்பினர் என்பது குறிப்பிடதக்கது.