அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
கோலிவுட்டில் இருந்து பாலிவுட் சென்றிருக்கிறார் அட்லி. பாலிவுட்டில் அறிமுகமாகும் படத்திலேயே சூப்பர் ஸ்டார் ஷாருக்கானை இயக்கி வருகிறார். ஜவான் என பெயர் வைக்கப்பட்டிருக்கும் அந்த படத்தில் ஷாருக்கானுக்கு ஜோடியாக லேடி சூப்பர் ஸ்டார் நயன்தாரா நடித்து வருகிறார்.
இந்நிலையில் ஷாருக்கான், நயன்தாரா வரும் காதல் பாடல் காட்சியை மும்பை கடல் பகுதியில் படமாக்கினார்கள். அந்த பாடலுக்கு ஷாருக்கானின் தோழியான ஃபரா கான் தான் டான்ஸ் மாஸ்டர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
பாடல் வீடியோவை படமாக்கியபோது எடுக்கப்பட்ட வீடியோ சமூக வலைதளத்தில் கசிந்து வைரலாகிவிட்டது. அந்த வீடியோவை பார்த்த ஷாருக்கான், நயன்தாரா ரசிகர்களோ, தயவு செய்து இதை ஷேர் செய்ய வேண்டாம் என்று கேட்டுக் கொண்டிருக்கிறார்கள். அதனால் அந்த வீடியோவை நாங்களும் இங்கு வெளியிடவில்லை.
வீடியோ மட்டும் அல்லாம் ஷூட்டிங் ஸ்பாட்டில் இருந்து சில புகைப்படங்களும் கசிந்துவிட்டன. கசிந்த புகைப்படங்களில் ஷாருக்கான், அட்லி, ஃபரா கான் ஆகியோர் இருக்கிறார்கள். ஆனால் ஹீரோயின் நயன்தாராவை காணவில்லை.
ஜவான் படத்தில் விஜய் சேதுபதி, பிரியாமணி, யோகி பாபு உள்ளிட்டோர் நடித்து வருகிறார்கள். மேலும் ஷாருக்கானுக்கு ராசியான ஹீரோயினான தீபிகா படுகோன் கவுரவத் தோற்றத்தில் வருகிறாராம்.
இது தவிர்த்து தளபதி விஜய்யும் கவுரவத் தோற்றத்தில் நடிப்பதாக கூறப்படுகிறது. ஆனால் அந்த தகவலை அட்லி இதுவரை உறுதி செய்யவில்லை.
ஜவான் படத்தை தன் மனைவி கௌரியுடன் சேர்ந்து தயாரித்து வருகிறார் ஷாருக்கான். அவரும், தீபிகா படுகோனும் நடித்த பதான் படம் அண்மையில் ரிலீஸாகி ரூ. 1000 கோடிக்கு மேல் வசூல் செய்தது. ரூ. 1000 கோடிக்கு மேல் வசூல் செய்த முதல் இந்தி திரைப்படம் என்கிற பெருமையை பெற்றுள்ளது பதான்.
அந்த சூப்பர் டூப்பர் படத்தை அடுத்து ஷாருக்கான் நடிப்பில் வெளியாகவிருக்கும் படம் ஜவான். அதனால் ஜவான் மீது அதிக எதிர்பார்ப்பு இருக்கிறது. மேலும் இது தான் தன் முதல் இந்தி படம் என்பதால் அட்லி பார்த்து பார்த்து இயக்கி வருகிறார்.
ஜவான் படத்தில் நடித்தபோது ஷாருக்கானுக்கும், நயன்தாராவுக்கும் இடையே நல்ல நட்பு ஏற்பட்டுள்ளது. கடந்த ஆண்டு ஜூன் மாதம் நடந்த நயன்தாராவின் திருமணத்தில் கலந்து கொண்டு மணமக்களை வாழ்த்தினார் ஷாருக்கான்.
Nayanthara:நயன்தாராவுக்கு குட்பை சொல்லி முத்தம் கொடுத்த சூப்பர் ஸ்டார்: க்யூட் வீடியோ
மேலும் ஜவான் படத்தின் ஷூட்டிங் அண்மையில் சென்னையில் நடந்தது. அப்பொழுது நயன்தாராவின் வீட்டிற்கு சென்று அவரின் இரட்டை ஆண் குழந்தைகளை பார்த்துவிட்டு வந்தார் ஷாருக்கான். காரில் ஏறுவதற்கு முன்பு அவர் நயன்தாராவின் கன்னத்தில் முத்தம் கொடுத்த வீடியோ வைரலானது. அதை பார்த்த ரசிகர்களோ, ஸ்வீட், க்யூட் என்றார்கள்.
நயன்தாரா வீட்டிற்கு ஷாருக்கான் வந்த விஷயம் அறிந்த ரசிகர்கள் அங்கு கூடிவிட்டார்கள். தங்கள் செல்போன்களில் வீடியோவும் எடுத்தார்கள்.
Lady superstar 75: நயன்தாராவின் கெரியரில் முதல் முறையாக…
ஜவான் தவிர்த்து லேடி சூப்பர் ஸ்டார் 75 படத்தில் நடித்து வருகிறார் நயன்தாரா. ஷங்கரிடம் இருந்த உதவியாளராக இருந்த நிலேஷ் கிருஷ்ணா தான் அந்த படத்தை இயக்கி வருகிறார். சூப்பர் ஸ்டார் ரஜினிகாந்தின் ஆசியுடன் படப்பிடிப்பு துவங்கியிருக்கிறது. பெரும் பொருட்செலவில் அந்த படம் உருவாகி வருகிறது என்பது குறிப்பிடத்தக்கது.