அப்ளையன்ஸ் மேம்படுத்தும் நாட்கள்- அதிகம் விற்பனையாகும் ஏசிகள் மற்றும் பிரிட்ஜ் இல் 50% வரை தள்ளுபடி கிடைக்கும்
தற்போது இந்திய சினிமாவே எதிர்பார்த்து காத்துக்கொண்டிருக்கும் திரைப்படங்களில் ஒன்றுதான் லியோ. லோகேஷ் மற்றும் விஜய்யின் கூட்டணியில் உருவாகும் லியோ படத்தை பற்றிய பேச்சு தான் தற்போது கோலிவுட் வட்டாரத்தில் பரபரப்பாக பேசப்பட்டு வருகின்றது. அந்த அளவிற்கு படத்தின் மீது எதிர்பார்ப்பு இருக்கின்றது.
அதற்கு மிக முக்கிய காரணம் இயக்குனர் லோகேஷ் கனகராஜ் தான்.என்னதான் இவர்கள் கூட்டணியில் ஏற்கனவே மாஸ்டர் திரைப்படம் வெளியாகி வெற்றிபெற்றாலும் அப்படத்தை காட்டிலும் லியோவிற்கு கூடுதல் எதிர்பார்ப்பு இருந்து வருகின்றது. ஏனென்றால் லியோ படத்தை முழுக்க முழுக்க தன் பாணியில் லோகேஷ் உருவாக்கி வருகிறாராம்.
Leo: சோகத்தில் இருக்கும் ரசிகர்களுக்கு ஆறுதல் அளித்த லியோ படக்குழு..!
மாஸ்டர் படத்தில் விஜய்க்காக சில கமர்ஷியல் விஷயங்களை சேர்ந்திருந்த லோகேஷ் லியோ படத்தை தன் ஸ்டைலில் உருவாக்கி வருகின்றார். இதுவே படத்தின் மீதான எதிர்பார்ப்பிற்கு முக்கிய காரணமாக அமைந்துள்ளது. இதைத்தொடர்ந்து படத்தில் நடிக்கும் நட்சத்திர பட்டாளங்களும் படத்தின் எதிர்பார்ப்பிற்கு ஒரு காரணம் எனலாம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
விஜய்க்கு ஜோடியாக த்ரிஷா இப்படத்தில் நடிக்கின்றார். கில்லி, திருப்பாச்சி, ஆதி, குருவி என பல படங்களில் விஜய்க்கு ஜோடியாக நடித்த த்ரிஷா இப்படத்தின் மூலம் 15 ஆண்டுகளுக்கு பிறகு மீண்டும் விஜய்யுடன் இணைந்து நடிக்கின்றார். கோலிவுட்டின் ஹிட் ஜோடி என கருதப்படும் விஜய் மற்றும் த்ரிஷா லியோ படத்தில் இணைந்திருப்பது ரசிகர்களை குஷியில் ஆழ்த்தியுள்ளது.
மேலும் இப்படத்தில் அர்ஜுன், சஞ்சய் தத், கௌதம் மேனன், மிஸ்கின், மன்சூர் அலி கான் என மிகப்பெரிய நட்சத்திர பட்டாளமே நடித்து வருகின்றனர். இந்நிலையில் தற்போது இப்படத்தின் முதல்கட்ட படப்பிடிப்பு காஷ்மீரில் கடும் குளிருக்கு மத்தியில் பல சவால்களை கடந்து படக்குழு நடத்தி முடித்துள்ளது.
இதையடுத்து அடுத்தகட்ட படப்பிடிப்பு சென்னையில் விறுவிறுப்பாக நடைபெற்று வருகின்றது. சென்னை பிரசாத் ஸ்டுடியோவில் மிகப்பிரமாண்டமான செட் அமைத்து லியோ படத்தின் படப்பிடிப்பை நடத்தி வருகின்றார் லோகேஷ். இதில் விஜய், த்ரிஷா சம்மந்தப்பட்ட காட்சிகளும், விஜய் மற்றும் சஞ்சய் தத் சம்மந்தப்பட்ட காட்சிகளும் படமாக்கப்பட்டு வருகின்றது.
விரைவில் சென்னையில் நடக்கும் படப்பிடிப்பில் அர்ஜுன், மன்சூர் அலி கான் ஆகியோர் கலந்துகொள்வார்கள் என எதிர்பார்க்கப்படுகின்றது. இந்நிலையில் தற்போது லியோ படத்தில் பிரபல மலையாள நடிகரான ஜோஜூ ஜார்ஜ் நடிப்பதாக தகவல்கள் வருகின்றன. மலையாளத்தில் பல ஹிட் படங்களில் நடித்துள்ள ஜோஜூ ஜார்ஜ் தனுஷ் நடிப்பில் வெளியான ஜகமே தந்திரம் படத்தின் மூலம் தமிழில் அறிமுகமானார்.
அதைத்தொடர்ந்து தற்போது விஜய்யுடன் லியோ படத்தில் இணைந்து நடிக்கின்றார். தற்போது சென்னையில் நடைபெற்று வரும் லியோ படப்பிடிப்பில் இணைந்துள்ளார் ஜோஜூ ஜார்ஜ். லியோ படத்தில் நடிக்கும் நடிகர்களின் லிஸ்ட் நாளுக்கு நாள் அதிகரித்துக்கொண்டே செல்கின்றதே என ரசிகர்கள் கமன்ட் அடித்து வருகின்றார்.