தமிழக பாஜக தலைவர் அண்ணாமலை தனது இளைமைகால வறுமை குறித்தும் குடும்ப பின்னணி குறித்தும் பல்வேறு நிகழ்ச்சிகளில் பேசியுள்ளார். அதில் ஒன்றாக, அரசியலில் இருந்து நான் விலகினால் நாளைக்கே 300 ரூபாய் கூலிக்கு தோட்டத்தில் வேலை செய்து பிழைத்து கொள்வேன், எங்க ஊரு வேப்ப மரத்துக்கு கீழ கட்டிலை போட்டு தூங்குவேன்.. 20 வயசு வர எங்க வீட்ல டாய்லட் வசதி இல்லை.. எப்போ வேண்டுமானாலும் ஒரு சாதாரண கிராமத்து வாழ்க்கைக்குள்ள என்னால் போக முடியும் என்று பேசியிருந்தார்…
இதற்கிடையே அண்ணாமலை கட்டியிருந்த ரபேல் வாட்ச் பேசுபொருளானது… அதற்கு விளக்கம் அளித்த அண்ணாமலை, இந்த வாட்ச் ரபேல் விமானங்களை செய்ய பயன்படுத்திய பொருட்களை கொண்டு தயார் செய்யப்பட்டுள்ளது. உலகத்திலேயே 500 ரபேல் வாட்சுகள் மட்டுமே செய்யப்பட்டன. அதில் ஒரு வாட்சை தான் கட்டியுள்ளேன். ஏனென்றால் நான் ஒரு தேசியவாதி. என்னை தவிர வேற யாராவது இதை வாங்குவார்களா? என தெரிவித்தார். அதனை தொடர்ந்து அந்த வாட்சின் விலை பல லட்சம் இருக்கும் என்று தகவல்கள் கசிந்தன…
இந்நிலையில், அண்ணாமலை தன்னுடைய வாட்சின் விலை பட்டியலை வெளியிட வேண்டும் என்று அமைச்சர் செந்தில்பாலாஜி நெருப்பை பற்ற வைத்தார்.. அது இணையத்தில் எரிய தொடங்கியது… இந்நிலையில் சுமார் 5 மாதங்கள் கழித்து இன்று அண்ணாமலை அதன் விலையை வெளியிட்டார். அந்த பில்லில், வாட்சின் விலை ஜிஎஸ்டி- யுடன் சேர்த்து 3,46,530 ரூபாய் என பதிவாகியுள்ளது.
annamalai watch bill
அப்போது அண்ணாமலை, எனது ரபேல் வாட்சின் உண்மையான ஓனர் கோவையை சேர்ந்த சேரலாதன் ராமகிருஷ்ணன். அவரை இரண்டு ஆண்டுகளாக எனக்கு தெரியும். இந்த வாட்சை 3 லட்ச ரூபாய்க்கு அவரிடம் இருந்து வாங்கியுள்ளேன் என கூறினார். மேலும், எனது வீட்டு வாடகை, ஊழியர்கள் சம்பளம், காருக்கு பெட்ரோல் எல்லாவற்றையும் நண்பர்கள்தான் தருகிறார்கள் என்றும் தெரிவித்தார். இந்நிலையில் இதற்கு கலவையான விமர்சனங்கள் வருகின்றன. கேள்விகள் எழுந்துள்ளன.. ஒரு சாதாரண விவசாய குடும்பத்தில் பிறந்த அண்ணாமலை ஒரு வாட்சை போய் 3 லட்சத்துக்கு வாங்க வேண்டிய தேவை என்ன? வீட்டு வாடகைகூட கட்டமுடியாமல், பெட்ரோல் கூட போட முடியாமல் இருக்கும் ஒருவர் 3 லட்சத்துக்கு வாட்ச் வாங்குவார்களா என்று நெட்டிசன்கள் வியப்புடன் கேள்வி எழுப்பியுள்ளனர்.
இருப்பினும் இதற்கு ஏற்கனவே பதில் அளித்திருந்த அண்ணாமலை, ” நான் ஒரு தேசியவாதியாக இருப்பதால் இந்த வாட்சை வாங்கியுள்ளேன் என்றும் என்னை தவிர வேற யாராவது இதை வாங்குவார்களா? என்று கூறியிருந்தார். அப்படி என்றால் புதிதாக வாட்ச் வாங்காமல் எதற்காக செகண்டு ஹேண்டில் வாங்க வேண்டும்? புதிதாகவே வாங்கி தேசத்துக்கு சேவை செய்திருக்கலாம் என்று கருத்து தெரிவித்துள்ளனர். வாட்ச் சர்ச்சை உருவாக்கியபோதே அதன் விலையை சொல்லி இருந்தால் இந்த அளவுக்கு பிரச்சினை வந்திருக்காது என்றும் வாட்ச் விலையை திமுகவினர் கேட்டதற்கு பதிலடியாகத்தான் திமுகவின் ஊழல் பட்டியலை அண்ணாமலை வெளியிட்டதாகவும் கூறுகின்றனர்.