வருகிற டிசம்பரில் வந்தே மெட்ரோ ரயில்கள் இயக்கப்படும் என மத்திய ரயில்வே அமைச்சர் தெரிவித்துள்ளார்.
வந்தே பாரத் ரயில்
நாடு முழுவதும் இதுவரை 14 வந்தே பாரத் ரயில்கள் இயக்கப்பட்டுள்ளன. மக்களிடன் பெரும் வரவேற்பை பெற்றுள்ள வந்தே பாரத் எக்ஸ்பிரஸ் ரயிலின் சிறப்புகளை பொறுத்தவரை OHE எனப்படும் மேல் வழித்தட எலக்ட்ரிக் ஒயருக்கு கீழ் இயங்கும் உலகின் முதல் செமி-ஹை ஸ்பீடு பயணிகள் ரயில். இதன் பெட்டிகள் முழுவதும் உள்நாட்டிலேயே தயாரிக்கப்பட்டது. இதற்கு சதாப்தி ரயில்களை காட்டிலும் 30 சதவீத குறைவான ஆற்றலே தேவைப்படுகிறது.
சிறப்புகள்
வந்தே பாரத் எக்ஸ்பிரஸ் ரயில்கள் தனிப்பட்ட எஞ்சின்கள் இன்றி இயங்குகின்றன. மேலும் பயோ கழிவறைகள், தானியங்கி கதவுகள், ஜிபிஎஸ் அடிப்படையில் பயணிகளின் தகவல்களை சேகரிக்கும் அமைப்பு, வைஃபை, ஏசி பெட்டிகள் உள்ளிட்ட பல்வேறு வசதிகள் இடம்பெற்றுள்ளன. இந்த ரயிலின் மேற்புறம் பிரத்யேக ஆண்டி கிராபிட்டி வினைல் பூச்சு பூசப்பட்டுள்ளது. இதன்மூலம் எளிதில் சுத்தப்படுத்த முடியும். பராமரிப்பதும் எளிது. வந்தே பாரத் எக்ஸ்பிரஸில் மொத்தம் 1,128 பயணிகளை ஏற்றி கொள்ள முடியும். இதில் ஏசி சேர் காரில் 1,072 இருக்கைகளும், எக்ஸிக்யூடிவ் பிரிவில் 56 இருக்கைகளும் அடங்கும்.
வந்தே மெட்ரோ
நாடு முழுவதும் பல்வேறு வழித்தடங்களில் அதிவேக வந்தே பாரத் எக்ஸ்பிரஸ் ரயில்களை அறிமுகப்படுத்திய பிறகு, ரயில்வே அமைச்சகம் இப்போது ‘வந்தே மெட்ரோ’ என்ற புதிய குறுகிய தூர ரயில் சேவையை அறிமுகப்படுத்த செயல்பட்டு வருகிறது. இந்த ஆண்டு டிசம்பர் மாதத்திற்குள் இது தயாராகிவிடும் என்று எதிர்பார்க்கப்படுகிறது.
100 கிலோமீட்டருக்கும் குறைவான தூரம் உள்ள நகரங்களுக்கு இடையே வந்தே மெட்ரோ இயக்கப்படும் என்று ரயில்வே அமைச்சர் அஷ்வினி வைஷ்ணவ் தெரிவித்தார். வந்தே பாரத் ரயில்களில் இருந்து வித்தியாசமாக இருக்கும் என்றும் அவர் கூறினார்.
டிசம்பரில் வந்திடும்
“வந்தே பாரத் உடன் ஒப்பிடும்போது வந்தே மெட்ரோ வேறுபட்ட வடிவமாக இருக்கும். இது ஒரு நாளைக்கு நான்கு-ஐந்து முறை போன்ற மிக அதிக அதிர்வெண் கொண்ட ஒரு வடிவமைப்பில் கட்டமைக்கப்படுகிறது. இது 100 கிலோமீட்டருக்கும் குறைவான தூரம் உள்ள நகரங்களுக்கு இடையே இயக்க முடியும். அவை வசதியானவை மற்றும் மலிவு விலையில் உள்ளன. இது டிசம்பரில் தயாராகிவிடும்” என்று வைஷ்ணவ் கூறினார்.
பிப்ரவரியில், பிரதமர் நரேந்திர மோடி வந்தே மெட்ரோவை மேம்படுத்த ரயில்வே அமைச்சகத்திடம் கேட்டுக்கொண்டதாக அமைச்சர் கூறினார். “பிரதமர் இந்த ஆண்டை இலக்கைக் கொடுத்துள்ளார். வந்தே பாரத் ரயிலின் வெற்றிக்குப் பிறகு, புதிய உலகத் தரம் வாய்ந்த பிராந்திய ரயிலை உருவாக்க வேண்டும் என்று அவர் எங்களிடம் கேட்டார், அது வந்தே மெட்ரோவாக இருக்கும்,” என்று அமைச்சர் வைஷ்ணவ் கூறினார். அமைச்சரின் கூற்றுப்படி, வந்தே மெட்ரோ ரயில்கள் ஐரோப்பாவில் ‘பிராந்திய டிரான்ஸ்’ என்று அழைக்கப்படுகின்றன.