ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
வெற்றி முகம்சிம்புவிற்கு சமீபகாலமாக நல்ல காலம் பிறந்துவிட்டது என்றே சொல்லலாம். இடையில் சில காலம் தொடர் தோல்விகளையும், சர்ச்சைகளையும் சந்தித்து இனி சிம்பு நடிக்கவே முடியாது என்ற பேச்சுக்கெல்லாம் ஆளானார் சிம்பு. ஆனால் அந்த பேச்சையெல்லாம் பொய்யாக்கும் வகையில் மாநாடு, வெந்து தணிந்தது காடு, பத்து தல என ஹாட்ரிக் வெற்றிகளை குவித்து தன் மீது வைக்கப்பட்ட விமர்சனங்களுக்கு பதிலடி கொடுத்தார். குறிப்பாக உடல் எடை கூடியிருந்த சிம்பு மாநாடு படத்தில் தன் உடல் எடையெல்லாம் குறைத்து செம ஸ்லிம்மாக ஸ்டைலாக உருவெடுத்தார். இது ரசிகர்களால் பெரிதும் வரவேற்கப்பட்டது
சிறப்பான நடிப்புமாநாடு படத்தில் செம ஸ்டைலாக நடித்திருந்த சிம்பு அடுத்ததாக வெளியான கௌதம் மேனனின் வெந்து தணிந்தது காடு படத்தில் தன் சிறப்பான நடிப்பை வெளிப்படுத்தி ரசிகர்களை ஈர்த்தார். குறிப்பாக வெந்து தணிந்தது காடு படத்தில் 18 வயது இளைஞனாக சிம்பு நடித்திருந்தது அனைவரது பாராட்டையும் பெற்றது. மேலும் இப்படத்திற்காக சிம்பு பல விருதுகளை தட்டி செல்வார் என்றும் எதிர்பார்க்கப்படுகின்றது. இதைத்தொடர்ந்து சமீபத்தில் வெளியான பத்து தல படத்திலும் AGR என்ற கேங்ஸ்டர் கதாபாத்திரத்தில் கனகச்சிதமாக பொருந்தி நடித்திருப்பார் சிம்பு
ஐசரி கணேஷ் தயாரிப்பில்மாநாடு படத்தையடுத்து சிம்பு வேல்ஸ் பிலிம்ஸ் சார்பாக ஐசரி கணேஷின் தயாரிப்பில் மூன்று படத்தில் நடிக்க கமிட்டானார். இதில் வெந்து தணிந்தது காடு திரைப்படம் வெளியான நிலையில் சம்பள பிரச்சனை காரணமாக கொரோனா குமார் படத்திலிருந்து வெளியேறினார் சிம்பு. இதையடுத்து வெந்து தணிந்தது காடு படத்தின் இரண்டாம் பாகத்தில் நடிப்பதாக இருந்த சிம்பு அந்த கால்ஷீட்டை கமலிடம் கொடுத்துவிட்டார்.. ராஜ் கமல் பிலிம்ஸ் சார்பாக கமல் தயாரிக்க தேசிங்கு பெரியசாமி இயக்க இருக்கும் படத்தில் நடிக்கின்றார் சிம்பு. எனவே இப்படத்திற்காக ஐசரி கணேஷிற்கு கொடுத்த கால்ஷீட்டை சிம்பு கமலுக்கு கொடுத்ததால் ஐசரி கணேஷ் அதிருப்தியில் இருக்கிறாராம்.
தீர்த்து வைத்த கமல்தன் படத்தில் நடிக்க கால்ஷீட் கொடுத்துவிட்டு வேறொரு படத்தில் சிம்பு நடிப்பது ஐசரி கினேஷிற்கு மனவருத்தத்தை ஏற்படுத்தியது. இது பற்றி அவர் சிம்புவிடம் கேட்டுள்ளார். இதையடுத்து இந்த பிரச்னையை சிம்பு கமலிடம் கூறியதை அடுத்து சிம்புவிற்காக கமல் நேரடியாக ஐசரி கணேஷை சந்தித்து இந்த பிரச்சனையை தீர்த்துள்ளார். சிம்புவிற்காக உலகநாயகன் களமிறங்கி பிரச்சனையை சுமுகமாக முடித்து வைத்ததை கோலிவுட் வட்டாரமே பாராட்டி வருகின்றது. இந்நிலையில் சிம்புவின் திரைவாழ்க்கையிலேயே மிகப்பெரிய பட்ஜெட்டில் இப்படம் உருவாக இருப்பதாகவும், இப்படம் சிம்புவிற்கு பாராட்டுகளையும், விருதுகளையும் தேடி தரும் எனவும் பேசப்பட்டு வருகின்றது குறிப்பிடத்தக்கது