ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
பொதுவாக விஜய் படங்களுக்கு இருக்கும் எதிர்பார்ப்பை விட லியோ படத்திற்கு கூடுதல் எதிர்பார்ப்பு இருக்கின்றது என்றே சொல்லலாம். இப்படத்தின் அதிகாரபூர்வ அறிவிப்பு வெளியாகும் முன்பே பலரும் இப்படத்தை பற்றி பேச துவங்கிவிட்டனர். அதற்கு இயக்குனர் லோகேஷ் கனகராஜ் மிக முக்கிய காரணம்.
விஜய்யை தன் பாணியில் லியோ படத்தில் காட்ட இருப்பதாக லோகேஷ் எப்போது கூறினாரோ அப்போதே இப்படத்தின் மீதான எதிர்பார்ப்பு பலமடங்கு உயர்ந்தது. இந்நிலையில் தற்போது இப்படத்தின் முதல்கட்ட படப்பிடிப்பு காஷ்மீரில் முடிவடைந்த நிலையில் அடுத்தகட்ட படப்பிடிப்பு சென்னையில் தற்போது விறுவிறுப்பாக நடைபெற்று வருகின்றது.
Leo: தளபதிக்கு அண்ணனாக மாறிய பிரபல நடிகர்..லியோ லேட்டஸ்ட் அப்டேட் இதோ..!
இப்படத்தில் விஜய்யுடன் இணைந்து த்ரிஷா பல வருடங்கள் கழித்து நடிக்கின்றார். கில்லி, திருப்பாச்சி, குருவி போன்ற படங்களில் ஜோடிபோட்டு தமிழ் சினிமாவின் ஹிட் ஜோடி என ரசிகர்களால் கொண்டாடப்பட்ட விஜய் மற்றும் த்ரிஷா லியோ படத்தில் மீண்டும் இணைந்திருப்பது எதிர்பார்ப்பை இரட்டிப்பாகியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் லியோ திரைப்படத்தில் விஜய் மற்றும் த்ரிஷா இடையே ரொமான்டிக் காட்சிகள் நிறைய இருக்கும் என்ற தகவல் ரசிகர்களை மேலும் குஷிப்படுத்தியுள்ளது. இந்நிலையில் த்ரிஷா தற்போது ஒரே சமயத்தில் லியோ படப்பிடிப்பிலும், பொன்னியின் செல்வன் 2 ப்ரோமோஷன் நிகழ்ச்சிகளிலும் கலந்துகொண்டு வருகின்றார்.
மணிரத்னம் இயக்கத்தில் வெளியாகவிருக்கும் பொன்னியின் செல்வன் 2 திரைப்படத்திற்கான ப்ரோமோஷன் வேலைகளை படக்குழு தற்போது துவங்கியுள்ளது. இம்மாதம் 28 ஆம் தேதி இப்படம் வெளியாகவுள்ள நிலையில் தீவிர ப்ரோமோஷன்களில் படக்குழு ஈடுபடயிருப்பதாக தகவல்கள் வந்துள்ளன.
அதன் ஒரு பகுதியாக சமீபத்தில் பொன்னியின் செல்வன் 2 படத்தின் anthem லான்ச் நடைபெற்றது. இந்த நிகழ்ச்சிக்கு த்ரிஷா என்ட்ரி கொடுத்ததிலிருந்து ரசிகர்கள் லியோ லியோ என்ற கரகோஷத்தை எழுப்பினர். பின்னர் த்ரிஷா மேடைக்கு வந்த பிறகும் லியோ படத்தை பற்றிய அப்டேட்டை கேட்டு ரசிகர்கள் ஆர்ப்பரித்தனர்.
இதையடுத்து த்ரிஷா அதைப்பற்றி அப்புறம் பேசலாம் என கூறிய பிறகே ரசிகர்கள் அமைதியானார்கள். இந்நிலையில் பொன்னியின் செல்வன் 2 படத்தின் நிகழ்ச்சியில் கூட லியோ படத்தை பற்றிய பேச்சு போய்க்கொண்டிருப்பதை பார்த்து கோலிவுட் வட்டாரமே ஆச்சர்யத்தில் இருக்கின்றது.
நாளுக்கு நாள் லியோ படத்தின் ஹைப் ஏறிக்கொண்டே செல்வதால் இப்படம் வசூலில் மிகப்பெரிய சாதனையை படைக்கும் என்ற எதிர்பார்ப்பு இருந்து வருகின்றது. தற்போது த்ரிஷா லியோ படத்தை பற்றி பேசிய வீடியோ தான் இணையத்தில் ட்ரெண்டாகி வருகின்றது குறிப்பிடத்தக்கது.