ராகவா லாரன்ஸின் ருத்ரன் படம் குறித்து லோகேஷ் கனகராஜ் கருத்து
தயாரிப்பாளர் கதிரேசன் இயக்கத்தில் ராகவா லாரன்ஸ், சரத்குமார், பிரியா பவானி சங்கர் ஆகியோர் நடிப்பில் தமிழ், தெலுங்கு, மலையாளம், கன்னடம் என நான்கு மொழிகளில் திரைக்கு வந்துள்ள படம் ருத்ரன். இந்த படத்திற்கு ரசிகர்கள் மத்தியில் பாசிட்டிவான விமர்சனங்கள் கிடைத்து வருகின்றன. இந்த நிலையில் இப்படம் குறித்து இயக்குனர் லோகேஷ் கனகராஜ், ‛ராகவா லாரன்ஸ், கதிரேசன் இருவருக்கும் வாழ்த்துக்கள். இப்படத்திற்கு பாசிட்டிவான விமர்சனங்கள் வெளியாகி வருவதை கேட்டு நான் மகிழ்ச்சி அடைந்தேன்' அவர் பதிவிட்டுள்ளார். அவரது இந்த பதிவுக்கு ராகவா லாரன்ஸ், தயாரிப்பாளர் கதிரேசன் ஆகியோர் நன்றி தெரிவித்துள்ளார்கள்.
அதேபோல் இந்த ருத்ரன் படத்தில் வில்லனாக நடித்துள்ள நடிகர் சரத்குமாரும் ஒரு பதிவு போட்டிருக்கிறார். அந்த பதிவில், ‛ருத்ரன் படத்தில் எதிர்நாயகனாக நடித்தமைக்கு பாராட்டி பெரும் வெற்றி படமாக்கி கொண்டாடி வரும் ரசிகப் பெருமக்களுக்கும், என் அனைத்து முயற்சிகளுக்கும் என்றென்றும் உறுதுணையாக இருக்கும் ஊடக நண்பர்களுக்கும் நன்றியை தெரிவித்துக் கொள்கிறேன்' என்று பதிவிட்டு இருக்கிறார்.