தமிழ் சினிமாவில் முன்னணி நடிகராக திகழ்பவர் விக்ரம். இவர் இன்று தனது 57 வது பிறந்தநாளை கொண்டாடி வருகிறார். இதனை முன்னிட்டு விக்ரம் நடிக்கும் படங்களின் அப்டேட்கள் வெளியாகி இணையத்தை கலக்கி வருகிறது. அந்த வகையில் விக்ரம் நடிப்பில் நீண்ட காலமாக ரசிகர்களின் எதிர்பார்ப்பில் இருக்கும் ‘துருவ நட்சத்திரம்’ படத்தின் அப்டேட் வெளியாகி ரசிகர்கள் மத்தியில் உற்சாகத்தை ஏற்படுத்தியுள்ளது.
ஏப்ரல் 14 முதல் 17 வரையிலான பிளாக்பஸ்டர் Value Days- வீடு, சமையலறை மற்றும் கோடைகால உபகரணங்களுக்கான அற்புதமான சலுகைகளைப் பெறுங்கள்.
விக்ரம் நடிப்பில் கடந்தாண்டு பொன்னியின் செல்வன், கோப்ரா உள்ளிட்ட படங்கள் வெளியானது. மணிரத்னம் இயக்கத்தில் மல்டி ஸ்டார் படமாக வெளியான ‘பொன்னியின் செல்வன்’ படத்தின் ஆதித்ய கரிகாலனாக நடித்திருந்தார் விக்ரம். இந்தப்படத்தின் இரண்டாம் பாகத்திற்கான ரிலீஸ் பணிகள் தற்போது மும்முரமாக நடந்து வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தற்போது ‘தங்கலான்’ படத்தில் நடித்து வருகிறார் விக்ரம். ஸ்டுடியோ கிரீன் ஞானவேல் ராஜா தயாரிப்பில் விக்ரமின் 61 வது படமாக இந்தப்படம் உருவாகி வருகிறது. பா. ரஞ்சித் இயக்கத்தில் கே.ஜி.எப் பற்றிய உண்மையான வரலாற்றை சொல்லும் விதமாக இந்தப்படம் உருவாகி வருகிறது. ரசிகர்களின் எதிர்பார்ப்பில் பிரம்மாண்டமாக ‘தங்கலான்’ உருவாகி வருகிறது. விக்ரமின் பிறந்தநாளை முன்னிட்டு வெளியான இந்தப்படத்தின் மேக்கிங் வீடியோ ரசிகர்கள் மத்தியில் அமோக வரவேற்பை பெற்று வருகிறது.
இதனிடையில் விக்ரம் நடிப்பில் உருவாகி நீண்ட காலமாக ரிலீசாகமல் இருக்கும் ‘துருவ நட்சத்திரம்’ படத்தை தற்போது வெளியீடுவதற்கான வேலைகள் மும்முரமாக நடந்து வருகிறது. கெளதம் மேனன் இயக்கத்தில் முதன்முறையாக விக்ரம் நடித்துள்ள இந்தப்படத்தின் டிரெய்லர் எல்லாம் பல வருடங்களுக்கு முன்பாகவே வெளியாகி ரசிகர்களின் எதிர்பார்ப்பை எகிற செய்திருந்தது.
Pooja Hegde: 57 வயது நடிகருடன் டேட்டிங்கா.?: விஜய் பட நாயகி பரபர விளக்கம்.!
இந்நிலையில் இந்தப்படத்தின் பிரச்சனைகள் அனைத்தும் பேசி தீர்க்கப்பட்டு தற்போது ரிலீஸ் செய்வதற்கான பணிகள் மும்முரமாக நடந்து வருகிறது. தற்போது விக்ரமின் பிறந்தநாளை முன்னிட்டு புதிய போஸ்டர் ஒன்றை படக்குழு வெளியிட்டுள்ளது. ‘ஹாப்பி பர்த்டே சீப்’ என குறிப்பிடப்பட்டுள்ள ‘துருவ நட்சத்திரம்’ படத்தின் ஸ்டைலிஷான போஸ்டர் இணையத்தில் படுவேகமாக வைரலாகி வருகிறது.
Samantha: சமந்தா குறுக்க மட்டும் போயிடாதீங்க: ரகசியம் பகிர்ந்த பிரபல நடிகை.!
மேலும், போஸ்டரில் சாப்டர் 1 – யுத்த காண்டம் எனவும் குறிப்பிடப்பட்டுள்ளது. இதனால் இந்தப்படம் இரண்டு பாகங்களாக வெளியாகும் எனவும் எதிர்பார்க்கப்படுகிறது. இந்தப்படத்தில் விக்ரமுடன் ரிது வர்மா, ஐஸ்வர்யா ராஜேஷ், பார்த்திபன், சிம்ரன், ராதிகா சரத்குமார், திவ்யதர்ஷினி, விநாயகம், வம்சி கிருஷ்ணா உள்ளிட்டோர் நடித்துள்ளனர். ‘துருவ நட்சத்திரம்’ படத்திற்கு ஹாரிஸ் ஜெயராஜ் இசையமைத்துள்ளது குறிப்பிடத்தக்கது.