ஜூனியர் என்டிஆருடன் இணைந்த சைப் அலிகான்
'ஆர்ஆர்ஆர்' படத்திற்கு பிறகு ஜூனியர் என்டிஆர் தனது 30வது படத்தில் நடித்து வருகிறார். படத்திற்கு இன்னும் டைட்டில் வைக்கவில்லை. கொரட்டலா சிவா இயக்குகிறார். யுவ சுதா ஆர்ட்சுடன் இணைந்து ஜூனியர் என்டிஆரின் தயாரிப்பு நிறுவனமான என்டிஆர் ஆர்ட்ஸ் தயாரிக்கிறது. ஜான்வி கபூர் இந்த படத்தின் மூலம் தெலுங்கில் அறிமுகமாகிறார்.
தற்போது தேசிய விருது பெற்ற பாலிவுட் நடிகர் சைப் அலிகான் அதிகாரப்பூர்வமாக 'என்டிஆர் 30' படக்குழுவில் இணைந்துள்ளார். இந்தப் படம் மூலம் ஜூனியர் என்டிஆர் மற்றும் சைப் அலிகான் இருவரும் முதல் முறையாக இணைந்து நடிக்கின்றனர். இந்த படத்திற்கு ரத்னவேலு ஒளிப்பதிவு செய்கிறார், அனிருத் இசை அமைக்கிறார். அடுத்த ஆண்டு ஏப்ரல் மாதம் 5ம் தேதி படம் வெளியாகும் என்று அறிவிக்கப்பட்டுள்ளது.