என்னால் இன்னும் நம்ப முடியவில்லை – முன்னாள் டிஜிபி ஜாங்கிட்
விமல், தன்யா ஹோப் ஜோடியாக நடித்துள்ள, 'குலசாமி' படத்தை சரவண சக்தி இயக்கியுள்ளார். இயக்குனரின் மகன் சூர்யா வில்லன் வேடத்தில் அறிமுகமாகியுள்ளார். நடிகர் விஜய்சேதுபதி படத்திற்கு வசனம் எழுதியுள்ளார். இப்படத்தின் முக்கிய வேடம் ஒன்றில், முன்னாள் காவல்துறை அதிகாரி ஜாங்கிட் நடித்துள்ளார். இப்படம் ஏப். 21ம் தேதி வெளியாகும் நிலையில், படத்தின் இசை மற்றும் முன்னோட்டம் வெளியீட்டு விழா சென்னையில்நடந்தது. இவ்விழாவில் படத்தில் நடித்த நாயகன் விமலும், நாயகி தான்யா ஹோப்பும் பங்கேற்கவில்லை. இதற்கு விழா மேடையிலேயே அவருக்கு கண்டனம் தெரிவிக்கப்பட்டது.
ஜாங்கிட் பேசுகையில், ''நான் ஒரு தமிழ் படத்தில் நடித்துள்ளேன் என்பதை என்னால் இன்னும் நம்ப முடியவில்லை. நான் என் கார் டிரைவரிடம் தான் தமிழ் கற்றேன். நடிப்பது சுலபம் என நினைத்தேன். ஆனால் அது அவ்வளவு எளிதல்ல. டப்பிங் அதற்கும் மேல் கஷ்டமாக இருந்தது ஆனாலும் கஷ்ட பட்டு பேசியுள்ளேன். என் கதாபாத்திரம் சிறியது தான் ஆனால் சமுகத்திற்கு தேவையான கருத்தை படத்தில் கூறியுள்ளேன்,'' என்றார்.