ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
கடந்த 1983ம் ஆண்டு வெளியான பல்லவி அனு பல்லவி படம் மூலம் இயக்குநர் அவதாரம் எடுத்தவர் மணிரத்னம். அந்த படத்திற்கு இசைஞானி இளையராஜா இசையமைத்திருந்தார்.
வைரமுத்துவை பங்கமாய் கலாய்த்த பாரதிராஜா!
பகல்நிலவு, இதயகோயில், மௌனராகம், நாயகன், அக்னிநட்சத்திரம், அஞ்சலி, தளபதி ஆகிய மணிரத்னத்தின் படங்களுக்கும் இளையராஜா தான் இசையமைத்தார்.
மணிரத்னம் இயக்கிய தெலுங்கு படமான கீதாஞ்சலிக்கும் இளையராஜா தான் இசை. மணிரத்னம் படங்களுக்கு தொடர்ந்து இசையமைத்து வந்தார் இசைஞானி. அவர் இசையமைத்த பாடல்கள் அனைத்தும் இன்றளவும் பிரபலம்.
Trisha: த்ரிஷாவின் திருமணம் நின்றது ஏன்?: அம்மா உமா சொன்ன உண்மை
மணிரத்னம்-இளையராஜா கூட்டணி வெற்றிக் கூட்டணி ஆகும். இந்நிலையில் தான் கடந்த 1992ம் ஆண்டு மணிரத்னம் இயக்கத்தில் வெளியான ரோஜா படத்திற்கு இளையராஜா இசையமைக்கவில்லை. அந்த படத்தை தயாரித்த கே. பாலசந்தருக்கும், இளையராஜாவுக்கும் அப்பொழுது பிரச்சனையாக இருந்ததால் விளம்பர படங்களுக்கு இசையமைத்து வந்த ஏ.ஆர். ரஹ்மானை ரோஜா படத்திற்கு இசையமைக்க வைக்க வைத்தார் பாலசந்தர்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ரஹ்மான் இசையில் ரோஜா படத்தில் வந்த அனைத்து பாடல்களும் சூப்பர் ஹிட்டானது. ரோஜாவுக்கு பிறகு மணிரத்னத்தின் ஆஸ்தான இசையமைப்பாளராகிவிட்டார் இசைப்புயல் ஏ.ஆர். ரஹ்மான். ரஹ்மான் வரவுக்கு பிறகு இளையராஜாவிடம் திரும்பிச் செல்லவில்லை மணிரத்னம்.
தற்போது மணிரத்னம் இயக்கியிருக்கும் பொன்னியின் செல்வன் 2 படத்திற்கும் ஏ.ஆர். ரஹ்மான் தான் இசை. பொன்னியின் செல்வன் படத்தை இயக்குகிறார் மணிரத்னம் என தகவல் வெளியானதுமே அதற்கு இசைஞானி இசையமைத்தால் தான் சரியாக இருக்கும் என்றார்கள் ரசிகர்கள். ஆனால் ரஹ்மான் இசையமைத்தார்.
இந்நிலையில் பொன்னியின் செல்வன் 2 படக்குழு சென்னையில் செய்தியாளர்களை சந்தித்து பேசியது. அப்பொழுது செய்தியாளர்கள் கேட்ட கேள்விகளுக்கு எல்லாம் பதில் அளித்தார்கள்.
இளையராஜாவை மிஸ் செய்கிறீர்களா சார் என மணிரத்னத்திடம் செய்தியாளர்கள் கேட்டார்கள். அதற்கு அவர் கூறியதாவது,
ஆமாம், அவரை மிஸ் பண்ணுகிறேன். என் முதல் படம் தொடங்கி பல படங்களுக்கு அவர் இசையமைத்தார். அவரால் நான் வளர்ந்தேன். ஒவ்வொரு படத்திலும் இளையராஜாவையும், பி.சி. ஸ்ரீராமையும் மிஸ் பண்ணுகிறேன். ஒவ்வொரு படத்தின் கதை, சூழலுக்கு ஏற்ப கூட்டணி மாறுகிறது என்றார்.
இளையராஜாவும், மணிரத்னமும் மீண்டும் சேர்ந்து வேலை செய்ய வேண்டும் என இசை ரசிகர்கள் விரும்புகிறார்கள். அவர்களின் விருப்பம் நிறைவேறுமா என்பதை பொறுத்திருந்து தான் பார்க்க வேண்டும்.
2022ம் ஆண்டு செப்டம்பர் மாதம் 30ம் தேதி ரிலீஸான பொன்னியின் செல்வன் படம் ரூ. 500 கோடி வசூல் செய்தது. இதையடுத்து பொன்னியின் செல்வன் 2 படம் ரூ. 1000 கோடி வசூல் செய்யும் என்று எதிர்பார்க்கப்படுகிறது.
முன்னதாக சென்னை அண்ணா பல்கலைக்கழகத்தில் 6 ஆயிரம் மாணவ, மாணவியர் முன்பு பொன்னியின் செல்வன் 2 ஆந்தமை வெளியிட்டார்கள். அந்த நிகழ்ச்சிக்கு இத்தனை மாணவ, மாணவியர் வந்ததில் படக்குழு இம்பிரஸ் ஆகிவிட்டது.
Ponniyin Selvan 2: கார்த்தியின் பல வருட ஏக்கத்தை தீர்த்து வைத்த மணிரத்னம்: பயங்கரமான ஏக்கமா இருக்கே
மேடைக்கு வந்த கார்த்தியோ, கூட்டத்தில் இருந்த மாணவிகளை பார்த்து இங்கு இருக்கும் இளவரசிகளே உயிர் உங்களுடையது தேவி என்று கூறி ஐஸ் இல்லை ஐஸ் பாரையே அவர்களின் தலையில் வைத்துவிட்டார்.