ஜி.வி.பிரகாஷின் கம்போசிங் : ரசித்த கங்கனா
தமிழில் தாம்தூம், தலைவி போன்ற படங்களில் நடித்துள்ள பாலிவுட் நடிகை கங்கனா ரணாவத். தற்போது பி.வாசு இயக்கி வரும் சந்திரமுகி -2 படத்தில் நடித்து வரும் அவர், மறைந்த முன்னாள் பிரதமர் இந்திராவின் வாழ்க்கை வரலாறு கதையை மையமாக வைத்து எமர்ஜென்சி என்ற படத்தை இயக்கி நடித்து வருகிறார். இந்த படத்திற்கு ஜி.வி. பிரகாஷ் குமார் இசையமைக்கிறார். இப்படத்திற்காக பத்து நிமிட நீளமுள்ள பாடல் ஒன்றுக்கு ஜி.வி. பிரகாஷ் குமார் கம்போசிங் செய்திருப்பதாக ஏற்கனவே தெரிவித்திருந்த கங்கனா, தற்போது ஜி.வி.பிரகாஷ் கீ-போர்ட்டில் கம்போஸ் செய்வதை அருகில் அமர்ந்து தான் ரசித்துக் கொண்டிருக்கும் ஒரு புகைப்படத்தை வெளியிட்டுள்ளார். அதோடு ஜி.வி. பிரகாஷ் ஒரு இசை ரசிகராக கம்போஸ் செய்ததை நான் பார்த்து ரசித்தேன் என்றும் அவர் பதிவிட்டுள்ளார்.