வெப் தொடரில் நடிக்கும் ஹாலிவுட் ஸ்டார்
ஹாலிவுட் அதிரடி சூப்பர் ஸ்டார் அர்னால்ட் ஸ்வாஸ்னேகர். அதிரடி ஆக்ஷன் படத்திலும் நடித்திருக்கிறார், காமெடி படத்திலும் நடித்திருக்கிறார். இந்த இரண்டையும் கலந்து முதன் முறையாக வெப் தொடர் ஒன்றில் நடிக்கிறார். இந்த தொடர் ஓடிடி தளத்தில் வெளியாகிறது.
'புபார்' என்ற இந்த தொடரில் அர்னால்டும் அவரது மகளும் சிஐஏ ஏஜெண்டுகள், இருவரும் சேர்ந்து ஒரு ஆபரேஷனுக்காக அதிரடி ஆக்ஷனில் இறங்குகிறார்கள். அப்பா மகளாக இருந்தாலும் இருவரும் எப்போதும் எலியும், பூனையுமாக முறைத்துக் கொண்டிருப்பார்கள். இருவரும் தங்கள் ஆபரேஷனை வெற்றிகரமாக முடிப்பதுடன் அப்பா மகளாகவும் எப்படி இணைகிறார்கள் என்பதுதான் கதை. ஆக்ஷன், சென்டிமெண்ட், காமெடி கலந்து உருவாகி வருகிறது. வருகிற 5ம் தேதி இத்தொடர் வெளியாகிறது.