ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
தமிழ்நாடு அரசு சார்பில் ஆன்லைன் சூதாட்டம் தொடர்பாக புதிய விதிமுறைகளை அறிவித்துள்ளது. ஏப்ரல் 21 முதல் இந்த ஆன்லைன் கேமிங் தொடர்பான விதிமுறைகள் அமலுக்கு வந்தன. இந்த திட்டம் மூலமாக இனி தமிழகத்தில் ஆன்லைன் விளையாட்டு போட்டிகளை நடத்த விரும்பும் நிறுவனங்கள் தமிழக அரசிடம் முதலில் பதிவு செய்யவேண்டும்.
தமிழக அரசின் ஆன்லைன் கேமிங் மிஷனிடம் பதிவு செய்யும் நிறுவனங்களுக்கு மட்டுமே தமிழ் நாட்டில் ஆன்லைன் விளையாட்டு போட்டிகளை நடத்த அனுமதி வழங்கப்படும். இந்தியாவை பொறுத்தவரை சமீபகாலங்களில் ஆன்லைன் தொடர்பான விளையாட்டு போட்டிகள் அதிகரித்துள்ளன. குறிப்பாக ஐபில் நேரங்களில் இதுபோன்ற ஆன்லைன் சூதாட்டம் இந்தியா முழுவதும் பலரால் விளையாடப்படுகிறது.
இதில் விளையாடி பலர் அவர்களின் பணத்தை இழந்து குடும்பத்துடன் தற்கொலை செய்துகொள்கிறார்கள். இதை தடுக்கவே தமிழக அரசு சார்பில் தனிப்பட்ட முறையில் இதுபோன்ற அமைப்பு தொடங்கப்பட்டுள்ளது.
Online gaming commission rules
இந்த கமிஷனில் பதிவு செய்யப்பட்ட நிறுவனங்கள் மீது ஏதாவது புகார் எழுந்தால் தமிழக அரசு அவர்கள் மீது நடவடிக்கை எடுக்கமுடியும்.மேலும் புகாரில் சிக்கிய நிறுவனங்களுக்கு நோடீஸ் அனுப்பப்பட்டு 15 நாட்களுக்குள் பதில் தெரிவிக்கவேண்டும்.பதிவு செய்த நிறுவனங்கள் மட்டுமே தமிழகத்தில் ஆன்லைன் விளையாட்டுகளை நடத்தமுடியும்.ஆன்லைன் விளையாட்டு போட்டிகளை நடத்தும் நிறுவனங்கள் இந்த விதிகளுக்கு கட்டுப்பட்டு நடக்கவேண்டும்.
இந்த சட்டம் தமிழக ஆளுநருக்கு ஒப்புதலுக்கு அனுப்பி பலமுறை அவரால் திரும்ப அனுப்பப்பட்டது. பின்னர் ஒருவழியாக அவர் அதற்கு ஒப்புதல் அளித்ததால் இந்த சட்டம் உடனடியாக அமல்படுத்தப்பட்டுள்ளது.
பலர் இந்தியாவில் பொழுதுபோக்காக தொடங்கி பின்னர் ஆன்லைன் விளையாட்டிற்கு அடிமையாகி தாங்கள் சேர்த்து வைத்த பணம் முழுவதையும் அதில் வைத்து விளையாடி தோற்றுப்போகிறார்கள். மேலும் வென்றவர்களிடம் இணையத்தில் மர்ம கும்பல் ஒன்று தொலைபேசியில் அழைத்து OTP அனுப்பி அதன்மூலம் அவர்கள் வென்ற பணத்தை திருடிவிடுகிறார்கள்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்