வருமான வரித்துறை: ஜி ஸ்கொயர் நிறுவனத்தில் தொடரும் ரெய்டு!

ரியல் எஸ்டேட் தொழில் நடத்தி வரும் ஜி ஸ்கொயர் நிறுவனத்தில் நேற்று (ஏப்ரல் 24) முதல் வருமான வரித்துறை சோதனை நடத்தி வருகிறது.

இரண்டாவது நாளான இன்றும் சென்னை, கோவை, திருச்சி உள்ளிட்ட நகரங்களிலும், தெலங்கானா, கர்நாடகா போன்ற மாநிலங்களிலும் தொடர் சோதனை நடைபெற்று வருகிறது.

பாஜக தலைவர் அண்ணாமலை ஜி ஸ்கொயர் நிறுவனம் மீது பல்வேறு குற்றச்சாட்டுகளை சமீபத்தில் அடுக்கியிருந்தார். திமுகவின் முக்கிய பிரமுகருக்கு இதில் தொடர்பு இருப்பதாக கூறியிருந்தார். அண்ணாமலையின் குற்றச்சாட்டுக்கு மறுப்பு தெரிவித்து ஜி ஸ்கொயர் நிறுவனம் நீண்ட விளக்கம் ஒன்றை அளித்தது.

இந்நிலையில் குறைந்த காலக்கட்டத்தில் அதிக வருமானம் ஈட்டியதாகவும், ஒரே நேரத்தில் அதிக அளவு நிலங்களைக் கையகப்படுத்தியதாகவும், ஜி ஸ்கொயர் நிறுவனம் மீது எழுந்த புகாரின் அடிப்படையில் வருமான வரிச் சோதனை நடைபெற்று வருதாக தெரிகிறது.

ஜி ஸ்கொயர் நிறுவன உரிமையாளர் பாலா, அண்ணா நகர் திமுக எம்.எல்.ஏ மோகன் மகன் கார்த்திக் ஆகியோர் வீடுகளில் சோதனை நடைபெறுகிறது. இவர்கள் இருவரும் தமிழ்நாடு முதலமைச்சர் மு.க.ஸ்டாலினின் மருமகன் சபரீசனின் நெருங்கிய நண்பர்கள்.

எனவே இதன் பின்னணியில் அரசியல் காரணங்களும் இருக்கலாம் என்கிறார்கள் அரசியல் விமர்சகர்கள்.