ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
ரஜினி தற்போது ஜெயிலர் திரைப்படத்தில் நடித்து முடித்துள்ளார். நெல்சன் இயக்கத்தில் அனிருத்தின் இசையில் உருவாகும் இப்படத்தின் போஸ்ட் ப்ரொடக்ஷன் வேலைகள் தீவிரமாக போய்க்கொண்டிருக்கிறது. கட்டாய வெற்றியை எதிர்பார்த்து காத்திருக்கும் ரஜினி மற்றும் நெல்சன் இருவரும் ஜெயிலர் திரைப்படத்தை மிகவும் நம்பியுள்ளனர்.
இப்படத்தின் மூலம் மீண்டும் வெற்றிப்பாதைக்கு திரும்ப இருவரும் காத்துக்கொண்டிருக்கின்றனர். இதையடுத்து ரஜினி லைக்காவின் தயாரிப்பில் இரண்டு படங்களில் நடிக்க கமிட்டாகியுள்ளார். ஒரு வெற்றி மட்டும் போதாது தொடர் வெற்றிகள் தேவை என முடிவெடுத்துள்ள ரஜினி தற்சமயம் மூன்று படங்களில் நடித்து வருகின்றார்.
Rajini: ரஜினியால் டோட்டலாக மாறிய ஷங்கர்..தயக்கத்தை தகர்த்தெறிந்த தலைவர்..!
ஜெயிலர் படத்தின் படப்பிடிப்பை முடித்த ரஜினி அடுத்ததாக ஐஸ்வர்யாவின் இயக்கத்தில் லால் சலாம் படத்தில் நடிக்கவுள்ளார். இப்படத்தின் படப்பிடிப்பு மே மாதம் துவங்கும் என எதிர்பார்க்கப்படுகின்றது. விஷ்ணு விஷால் மற்றும் விக்ராந்த் நாயகர்களாக நடிக்கும் இப்படத்தில் ரஜினி சிறப்பு தோற்றத்தில் நடிக்கின்றார்.
இதையடுத்து ஜெய் பீம் படத்தை இயக்கிய ஞானவேலின் இயக்கத்தில் தன் 170 ஆவது திரைப்படத்தில் நடிக்கின்றார் ரஜினி. இப்படத்தில் ரஜினி ஓய்வு பெற்ற போலீஸ் அதிகாரியாக நடிப்பதாக தகவல்கள் வருகின்றன. மேலும் ஒரு உண்மை சம்பவத்தை அடிப்படையாக கொண்டு இப்படம் உருவாக இருப்பதாகவும், ரஜினி இப்படத்தில் இஸ்லாமிய கதாபாத்திரத்தில் நடிப்பதாகவும் பேசப்பட்டு வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
பாட்ஷா படத்திற்கு பிறகு ரஜினி பல ஆண்டுகள் கழித்து இப்படத்தில் முஸ்லீம் கதாபாத்திரத்தில் நடிக்கவுள்ளார். இந்நிலையில் இப்படத்தின் படப்பிடிப்பும் மே மாதம் துவங்கி டிசம்பர் மாதத்திற்குள் முடித்துவிட படக்குழு திட்டமிட்டுள்ளது. இந்நிலையில் சமீபத்தில் வந்த தகவலின் படி தலைவர் 170 திரைப்படத்தில் சூர்யாவை சிறப்பு தோற்றத்தில் நடிக்கவைக்க ஞானவேல் முயன்று வருகிறாராம்.
ஜெய் பீம் திரைப்படத்தில் சூர்யாவிற்கு அழுத்தமான கதாபாத்திரத்தை கொடுத்த ஞானவேல் தலைவர் 170 படத்திலும் ஒரு அழுத்தமான ரோலை கொடுக்க ஆசைப்படுகின்றாராம். ஆனால் இதற்கு சூர்யா சம்மதித்தாலும் ரஜினி சம்மதிப்பாரா என பிரபல பத்திரிகையாளர் பிஸ்மி தெரிவித்துள்ளார்.
இத்தகவலை அவரது யூடூப் சானலில் பேசிய பிஸ்மி இதற்கு ரஜினி சம்மதிப்பது கடினமான விஷயம் என தெரிவித்துள்ளார். மேலும் ஜெயிலர் படத்தில் சிவகார்த்திகேயன் சிறப்பு நடிக்க வைக்க நெல்சன் முயற்சித்தபோதே அதற்கு நோ சொல்லிய ரஜினி தலைவர் 170 படத்தில் சூர்யா கெஸ்ட் ரோலில் நடிக்கவும் சம்மதம் தெரிவிக்கமாட்டார் என்பதே அவரது கருத்து என கூறியுள்ளார் பிஸ்மி என்பது குறிப்பிடத்தக்கது.