முகேஷ் அம்பானி 1,500 கோடி ரூபாய் மதிப்பிலான வீட்டை, தனது நிறுவன ஊழியர் ஒருவருக்கு பரிசாக வழங்கியுள்ளார்.
மனோஜ் மோடி என்பவர் முகேஷ் அம்பானியின் வலதுகரமாக செயல்பட்டு வருகிறார். அவருக்கு பரிசாக 1.7 லட்சம் சதுர அடி பரப்பளவில் 22 மாடிகளைக் கொண்ட கட்டடம் பரிசாக வழங்கப்பட்டுள்ளது. மும்பையில் நேபியன் கடல் சாலையில் இந்த வீடு அமைந்துள்ளது.
மனோஜ் மோடி கல்லூரியில் முகேஷ் அம்பானியுடன் சேர்ந்து படித்தவர். 1980களில் ரிலையன்ஸ் குழுமத்தை திருபாய் அம்பானி வழிநடத்தியபோது, அந்த நிறுவனத்தில் மனோஜ் மோடி ஊழியராக சேர்ந்தார்.
அவர் முகேஷ் அம்பானி மற்றும் அவரது மனைவி நீதா அம்பானியுடன் பல ஆண்டுகளாக நெருங்கிய நண்பராக பழகியுள்ளார். தற்போது, ஆகாஷ் அம்பானி மற்றும் இஷா அம்பானியுடனும் மனோஜ் மோடி நெருக்கமாக பணியாற்றி வருகிறார்.
மனோஷ் மோடி தொழில் விவகாரத்தில் மிகவும் கைதேர்ந்தவர் என கூறப்படுகிறது. தற்போது மனோஜ் மோடி ரிலையன்ஸ் ரீடெய்ல் மற்றும் ரிலையன்ஸ் ஜியோவில் இயக்குநராக பணியாற்றி வருகிறார்.
newstm.in