தனுஷ் நடிப்பில் அடுத்ததாக ‘கேப்டன் மில்லர்’ படம் வெளியாகவுள்ளது. இதன் படப்பிடிப்பு தற்போது தீவிரமாக நடந்து வருகிறது. அருண் மாதேஸ்வரன் இயக்கத்தில் பீரியட் பிலிமாக இந்தப்படம் உருவாகி வருகிறது. இந்நிலையில் ‘கேப்டன் மில்லர்’ படக்குழு விதிகளை மீறியதாக கூறி படப்பிடிப்பை பாதியில் நிறுத்தப்பட்ட நிலையில் தற்போது மீண்டும் இதன் படப்பிடிப்பு துவங்கியுள்ளது.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
தமிழ் சினிமாவில் முன்னணி நடிகராக திகழ்பவர் தனுஷ். தமிழ் மட்டுமில்லாமல் பாலிவுட், கோலிவுட், டோலிவுட் என பல மொழி படங்களில் நடித்து வருகிறார். கடந்தாண்டு இவர் நடிப்பில் திருச்சிற்றம்பலம், நானே வருவேன் படங்கள் வெளியானது. இதில் மித்ரன் ஜவஹர் இயக்கத்தில் வெளியான ‘திருச்சிற்றம்பலம்’ படம் 100 கோடி வரை வசூலித்து சாதனை புரிந்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அதனை தொடர்ந்து செல்வராகவன் இயக்கத்தில் வெளியான ‘நானே வருவேன்’ சுமாரான வரவேற்பையே பெற்றது. இந்தாண்டு தனுஷ் நடிப்பில் தமிழ், தெலுங்கு மொழியில் ‘வாத்தி’ படம் ரிலீசானது. இதனையடுத்து தற்போது ‘கேப்டன் மில்லர்’ படத்தில் நடித்து வருகிறார் தனுஷ். அருண் மாதேஸ்வரன் இந்தப்படத்தை இயக்கி வருகிறார்.
ராக்கி, சாணிக்காயிதம் உள்ளிட்ட ரத்தம் தெறிக்க தெறிக்க உருவான ராவான படங்களை இயக்கிய அருண் மாதேஸ்வரன் இயக்கத்தில் தனுஷ் நடிப்பது ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது. 1930 – 40 காலக்கட்டங்களில் நடக்கும் சம்பவங்களாக பீரியட் பிலிமாக ‘கேப்டன் மில்லர்’ படம் உருவாகி வருகிறது.
Amala Paul: அந்த மாதிரி நடிச்ச எனக்கு இதெல்லாம் சாதாரணம்: நடிகை அமலா பால் அதிரடி.!
இதன் படப்பிடிப்பு கடந்த சில மாதங்களாகவே விறுவிறுப்பாக நடந்து வந்த நிலையில் தென்காசி மாவட்டம் மேற்கு தொடர்ச்சி மலை அடிவார பகுதியில் குண்டு வெடிக்கும் காட்சிகள் படமாக்கப்பட்டுள்ளது. இதனால் சுற்றுச்சூழலுக்கு பாதிப்பு ஏற்பட்டதாகவும், உரிய அனுமதி பெறாமல் படப்பிடிப்பு நடத்தப்பட்டதாகவும் கூறி தென்காசி கலெக்டர் ‘கேப்டன் மில்லர்’ படப்பிடிப்பை நிறுத்தினார். இந்த செய்தி இணையத்தில் தீயாய் பரவியது.
Vijay: திடீரென பெற்றோரை சந்தித்த விஜய்: ‘லியோ’ கெட்டப்பில் வெளியான மாஸ் புகைப்படம்.!
இந்நிலையில் தற்போது அனைத்து பிரச்சனைகளும் பேசி தீர்க்கப்பட்டு உரிய அனுமதி பெற்று ‘கேப்டன் மில்லர்’ படப்பிடிப்பு அதே பகுதியில் மீண்டும் துவங்கப்பட்டுள்ளதாக தகவல்கள் வெளியாகியுள்ளது. இந்தப்படத்தில் தனுஷுக்கு ஜோடியாக ப்ரியங்கா அருள் மோகன் நடிக்கிறார். இவர்களுடன் ஜான் கொக்கன், சந்தீப் கிஷன், நிவேதிதா சதீஷ் மற்றும் பிரபல கன்னட நடிகர் சிவராஜ்குமார் உள்ளிட்டோர் நடிக்கின்றனர். சத்யஜோதி பிலிம்ஸ் தயாரிக்கும் இந்தப்படத்திற்கு ஜிவி பிரகாஷ் இசையமைப்பது குறிப்பிடத்தக்கது.